15 ТАҚЫРЫП. БІРІНШІ САТЫДАҒЫ СОТТЫҢ АКТІЛЕРІ Сот актілерінің түсінігі және түрлері. Сот шешімінің мәнісі және маңызы. Сот шешімінің түрлері, оның мазмұны. Сот шешіміне қойылатын талаптар. Сот шешіміндегі кемшіліктерді жою. Сот шешімінің заңды күші. Сот шешімін дереу орындау, кейінге қалдыру, бөліп орындау, шешімді орындау тәсілін өзгерту. Бірінші сатыдағы соттың ұйғарымы және оның түрлері.
Дәріс Сот актілерінің түсінігі және түрлері. Бірінші сатыдағы сот актілері- жазба нысанда жасалынып, сот билігін жүзеге асыратын актілер.
Сот актісі- бұл құқықтық қолдану актісі . Мұнда құқық турулы дау немесе өзге даулы мәселені шешу үшін іс жүргізуде сотпен материалдық және процесуалдық құқық нормаларын қолданғанның аяқталғаны және қорытындысы көрінеді.
ҚР АІЖК бойынша іс жүргізу құжаттары ретінде бірінші сатыдағы сот қабылдайтын актілердің төрт түрі бар.
сот қаулысы;
сот шешімі;
сот ұйғарымы;
сот бұйрығы.
Сот қаулысы –бұл іс жүргізу кезінде азаматтық істі қарап және шешкен соң сот шығаратын акт. Азаматтық процесте бірінші сатыдағы сот қаулысы сотпен (жеке-дара,алқы құрамда) жасалатын іс жүргізу әрекеттерін рәсімдейтін және тікелей заң зардаптарын туғызатын сот актісі.
