Бизнеске кіріспе
Тауарлар мен қызметтерді алға жылжыту әдістері
жүктеу/скачать 2,36 Mb. Pdf көрінісі
|
Kadirbergenova1
| Тауарлар мен қызметтерді алға жылжыту әдістері
Кәсіпкерлікті әлеуметтік желілер арқылы әр түрлі тәсілмен жылжытуға болады. Бұл ретте ең танымал нұсқалар келесілер: 1. Дербес аккаунт. Бұл жерде әлеуметтік салада белсенді қызмет атқаратын бизнесмен – жеке тұлғаның өзі бірінші орынға шығады, дискуссияларға қатысады, қызықты посттар орналастырады, көп адамдармен виртуалды достық құрады – жалпы, өз қызықты және оқылатын аккаунт жасайды. Сонымен қатар, ол өзінің ниеттес виртуалды достарының арасынан жаңа клиенттерді іздестіре отырып, ұсынылатын тауарлар мен қызметтер туралы үнемі айтып отырады. Мұндай аккаунт тек жарнамалық болмауы керек. Пиар өзекті тақырыптарға арналған қызықты посттармен, әдемі фотосуреттермен, жеке ойларымен және т.б. кезектесіп отыруы тиіс. Бизнесмен өзінің жеке тұлғасына назар аударта отырып, осылайша өз тауарлары мен қызметтерін мұқият алға бастырады. 2. Бизнес-парақша. Бизнес-аккаунт (сұлулық салоны/дүкен/студия/интернет-дүкен және т.б.) өз өнімдерін/қызметтерін 149 ұсынады, олардың артықшылықтары туралы әңгімелейді, өзінің жазылушыларын жеңілдіктермен және акциялармен таныстырады, қызықты жұмыстар ұсынады, өзі жұмыс істейтін салада сараптамалық баға береді. Мұндай аккаунт бірден нақты өнімдер мен қызметтерге қызығушылық тудыратын пайдаланушыларға бағытталған. Оның мақсаты – бәсекелестер арасынан суырылып шығып, өзінің бірегейлігін көрсету және пайдаланушыларды өз табысына таңдау жасауға сендіру. 3. Топ. Топтар кәсіпкерліктің әлеуетті клиенттері үшін қызықты тақырыпқа арналады. Мысалы, спорттық тауарлар дүкені өз атынан «Нұр- Сұлтан спортшылары» тобын құра алады, онда осы санаттағы адамдар үшін қызықты тақырыптар талқыланады, жарыс кестесі жарияланады, нәтижелерге сараптамалық баға беріледі, спорт алаңдарының тізімі келтіріледі және т.б. Тақырыптық контентпен тартылған пайдаланушылар парақшаға жазылады, ал спорттық дүкен өз өнімдерін топ қатысушыларына жарнамалау мүмкіндігіне ие болады, осылайша өз сатуларын ұлғайтады. Осылайша, OQICO мектебі SMM бірнеше нұсқаларын біріктіреді. Бизнес-парақшада мектептің өзі, оның өнімдері мен қызметтері, ағылшын тілін үйрену ерекшеліктері туралы айтылады, іс-шаралардың кестесі мен анонстары жарияланады. Сондай-ақ, әріптестер жылжыту үшін өздерінің жеке аккаунттарын пайдаланады, онда олар өздері туралы, өзінің оқыту тәжірибесі мен жалпы ағылшын тілінің ерекшеліктері туралы айтады. Наргис пен Динараның жеке парақшасын ұнатқан пайдаланушылар олардың жеке парақшасын үнемі қарап отырады да, кейіннен мектептің бизнес-парақшасына өтеді. Визуалды контентті құру үшін компанияда аутсорсингте дизайнер жұмыс істейді, ол бірыңғай стильдегі посттарға арналған суреттерді салады. жүктеу/скачать 2,36 Mb. Достарыңызбен бөлісу:
|