Кіріспе. Фармакология пәні Жоспары: 1. Фармакология ғылымының даму тарихы.
2. Дәрі-дәрмек және дәрілік препарат туралы түсінік.
3. Дәрілердің жіктелуі және оларды сақтау ережелері.
Фармакология - дәрілерінің адам және жануарлар ағзасына әсерін зерттейтін ғылым. Оның негізі мақсатының бірі жаңа эффектілігі күшті дәрілер іздеу. Фармакология сөзі екі бөліктен тұрады: pharmacon – дәрі және logos – ілім. «Фармакон» термині египеттің «фармаки» деген «шипа беруші» сөзінен шыққан. Мұндай жазу египеттің құдайға теңгерілген дәрігері Тотоның бейнесінің астынан табылған.
Фармакология медициналық практиканың барлық саласында маңызды.
И. П. Павлов «.. адам ағзасына дәріні енгізу әмбебап жағынан емдеудің алғашқы жолы екенін мойындауымыз керек» деп жазған.
Фармакология биологиялық, фармацевтикалық ғылымдармен тығыз байланысты. Химия, биология, биологиялық химия, микробиология, анатомия, физиология пәндері адам ағзасына дәрінің әсерін терең оқып білуге мүмкіншілік береді. Фармакологияның дамуы және дәрі-дәрмектердің әсер ету механизмін анықтау клиникада дәріні дұрыс және рационалды қолдану үшін өте қажет.
