7. Лейкоциттер, олардың саны мен түрлері, қызметі. Т- және В–лимфоциттердің маңызы.
Лейкоциттер – қанның ақ жасушалары.
Қандағы мөлшері 4,1-9,0х109/л. Лейкоциттер санының артуы лейкоцитоз, азаюы лейкоцитопения деп аталады. Лейкоцитоз, лейкоцитопения физиологиялық және патологиялық деп бөлінеді.Олардың өзі абсолюттік және салыстырмалы деп бөлінеді.
Лейкоциттердің қызметтері:
1. Фагоциттік.
2. Антитоксиндік қызмет. Эозинофильдер табиғаты белоктық токсиндерді, антиген-антидене кешенін залалсыздандырып, бұзады, аллергия кезінде көбейіп кететін гистаминді бұзатын гистаминаза ферментін жасап шығарады (аллергиялық реакциялар).
3. Биологиялық белсенді заттар түзеді. Базофильдер капиллярлар саңылауын кеңейтетін гистамин және табиғи антикоагулянт - гепаринді жасап шығарады.
4. Лейкоциттер белок алмасу өнімдері мен қоректік заттарды адсорбциялап, тасымалдай алады.
5. Лимфоциттер иммундық жүйенің орталық звеносы болып табылады.
Т-лимфоциттер жасушалық иммунитетті қамтамасыз етеді. Олардың түрлері: Т-хелпер, Т-супрессор, Т-киллер,
Т-амплифайер.
В-лимфоциттер гуморалдық иммунитет қалыптастырады, антиденелер түзеді ( және -глобулиндер).
6. Лейкоциттер қанның ұюына қатысады.
7. Моноциттер өлген жасушаларды фагоциттеп, ұлпа регенерациясына қатысады.
8. Нейтрофилдер интерферон жасап шығарады.
Достарыңызбен бөлісу: |
