Гнюсотәрізді немесе Электрлі скаттар: 3 тұқымдасқа бірігетін 40-қа жуық түр жатады. Барлық мұхиттардың субтропикалық және тропикалық теңіздерінде таралған. Басының екі бүйірінде түрі өзгерген бұлшықет ұлпасынан пайда болған ерекше электрлі мүшелері болады. Олардан бөлінетін электр қуаты 8-220 вольтқа жетеді. Олар нашар жүзеді. Өкілдері: кәдімгі электрлі скат, соқыр электрлі скат, электрлі скат Морсби.
Тұтасбастылар класс тармағы.Тұтасбастылардың шыққан тегі акулатектестер деп саналады және филогенетикалық бүйір бұтақты құрайды. Бұл топ жоғарғы Девоннан белгілі және бор кезеңіне дейін гүлденіп өскен. Класс тармағының өкілдерінде тақтажелбезектілер және сүйекті балықтардың белгілері бар. Қазіргі кезде тіршілік ететін тұтасбастылдар Химератәрізділер отрядына жатады.
