Макроспориоз немесе құрғақ дақ. Ауру қоздырғышы – Macro- sporium solani Ell. et Mart. саңырауқұлағы (141-сурет). Оның жіп- шумағы эндофитті, ұлпа бетіне конидия тасушылар мен кони- диялар шығады. Конидияларының құрылысы əртүрлі болады. Жас конидиялары бір клеткалы, түссіз жетілгендері – бір-екі перделі, ал толық жетілгендерінің пішіні шоқпар тəрізді, бірнеше көлденең жəне бойлаған перделері бар. Құрғақ, ыстық ауа райымен жаңбыр немесе мол шық алмасқан жағдайда, ауру қарқынды дамиды. Ин- фекция қоры өсімдік қалдықтарында жіпше мен конидия түрінде жəне ауру жемістің қалдықтарында, тұқым арасында сақталады.
