184-сурет. Бактериялы ісік
Бактериялар жүзімнің жас өркенін залалдап, қуратады. Кесел қатты дамығанда өсімдік əлсіреп, оның бөліктері қурап, соңынан түгел жойылады. Күтімі нашар жүзімдіктер ауруға қатты шал- дығады. Бактерияның дамуына 30-35°С температура мен 95% жо- ғары ылғалдылық қолайлы жағдай туғызады. Көшеттіктердегі жас өсімдіктердің өсуі саябырлап, əлсіреп, жетілмей қурайды.
Инфекция қоры – топырақтағы ісіктер мен залалданған өсім- дік бөліктері. Ауру өсімдіктен алынған қалемшелер мен көшеттер арқылы инфекция жаңа жүзімдіктерге таралады. Сонымен қатар инфекция қолданылған құралдар (ара, пышақ, т.б.) арқылы да та- ралуы мүмкін.
Кеселге өсімдіктің тамыр мойны, діңі, телітуші мен телінуші- нің ұластырылған бөлігі шалдығып, ісік түзіледі. Жұмсақ, алғаш ақ түсті ісік, кейін қатайып қоңырланады.
Достарыңызбен бөлісу: |
