Дипломдық жұмысты (жобаны) орындау мақсаты болып табылады:
- мамандық бойынша теориялық білімдер мен практикалық дағдыларды жүйелеу, бекіту және кеңейту, оларды ғылыми, техникалық, экономикалық және өндірістік нақты міндеттерді, сондай-ақ мәдени бағыттағы міндеттерді шешуде қолдану;
- өз бетінше жұмыстар жүргізу дағдыларын дамытып, әзірленетін проблемалар мен мәселелерді шешуде ғылыми зерттеу мен сынақтан өткізу әдістемесін игеру;
- заманауи өндіріс, ғылым, техника, мәдениет жағдайларында студенттің өз бетінше жұмысқа дайындығын, сондай-ақ оның кәсіби құзыреттілік деңгейін анықтау.
Дипломдық жұмыс (жоба) тиісті ғылым саласының нақты мамандығының өзекті проблемаларын өз бетінше зерттеу және үйрену нәтижелерін тұжырымдауды білдіреді.
Дипломдық жұмыс (жоба) ғылыми жетекшінің жетекшілік етуімен орындалады және келесі талаптардың біріне жауап беруі тиіс:
-ғалымда, сарапшылар, практиктер: инженерлер, конструкторлар, менеджерлер, экономистетрмен жүргізілген зерттеу нәтижелерін, жобалық шешімдерді тұжырымдау;
- зерттелетін нысан бойынша ғылыми негізделген теориялық тұжырымдары болуы;
- ғылыми негізделген нәтижелері болуы, оларды қолдану нақты міндеттерді шешуді қамтамасыз етеді.
Достарыңызбен бөлісу: |
