Психологиялық жаттығулар жинағы І. ӘРіптестік қарым -қатынас тренингі психологиялық тренинг: ТҮсінігі, тарихы, міндеттері, Ұстанымдары

Барлығы тапсырманы орындап болғаннан кейін, жаттықтырушы жаттығуды орындау барысында пайда болған әсерлерін талқылауын ұсынады. Қорытынды шығару барысында, жаттықтырушы қатысушылар атап өткен байланыс орнату тәсілдеріне сонымен бірге байланыс орнатылғанын дәлелдейтін белгілерге назар бөледі.

Әдетте, біз топ мүшелеріне бұл тапсырманы 3 рет жасауға мүмкіндік береміз, одан кейін талқылауға кірісеміз, талқылау барысында «Сіздің жұбыңыз қалай құрылды?», «Бірдей қимылды қалай таңдадыңыздар?» деген сұрақтарды талқыға салу орынды болмақ .бірінші сұрақтың жауаптары байланыс басталғанын дәлелдейтін негізгі вербалды емес белгілерді: бағыттылық, көзқарасты бекіту, дене қимылы, жүзінің жылылығын, күлкі, алдыға қарай жеңіл қозғалу, әріптесінің қарсы алдына және т.с.с. анықтауға мүмкіндік береді. Сонымен бірге, жаттығуды орындау барысында топ мүшелері жинақтаған тәжірибені талқылау процесінде байланыс жасауға және ортақ әрекетті таңдау барысында белсенділік бой алғандығы жөнінде әңгіме жиі қозғалады. Егер, бұл тренингтің мазмұнына сәйкес болған жағдайда, (мысалы, іскерлік келісімсөздер жүргізу тренингінде), бұл мәселені нақтылай талқылау қажет. Бұл жағдайда, бірлескен әрекеттердің төмендегідей түрлері анықталуы мүмкін:

• 
  жұптың бір қатысушысы екіншісінің белсенділігін баса, өзінікін арттыра түседі:
  
• 
  серіктестердің біреуі екіншісінің толық келісімімен белсенділігін артырады;
  
• 
  бірлескен әрекеттердің барысында жұптың бір қатысушысынан екіншісіне және керісінше белсенділікті тұрақты түрде беріп отыру орын алады.
  
• 
  Бірлескен әрекеттер серіктестер бір-бірін кез-келген сәтте толықтай түсінетін әріптестік ретінде болады.