Ақпаратты қабылдау және беру
Бұл бөлімге енген психологиялық жаттығулар ақпарат қабылдау мен беруге ықпал жасайтын шарттардың тобын анықтауға, тапсырмаларды шешу барысында жіберілетін қателіктерді ашуға, оларды шешуде жаттығуға мүмкіндік береді.
Аталмыш түрдегі жаттығуларды өткізу барысында назарда ұстануы тиіс бірқатар негіздер енгізіледі: хабарламаларды дайындау, ақпарат беру, қабылдау және хабарламаларды жүйелеу.
42 жаттығу
Барлық қатысушылар шеңбер құрап тұрады.
Нұсқаулық: «Бір» дегенде, әрбір қатысушы қандай да бір қимыл жасайды. Бірақ, барлығымыз өз орнымызда боламыз. Мүмкіндігінше, әрбір қатысушы жасай алатын қимылдар таңдау керек. «Екі» деген кезде, «бір» дегенде жасай бастаған қимылды тоқтатып, сол жағыңыздағы көршіңіз «бір» дегенде жасаған қимылды жасай бастайсыз. Егер барлығымыз мұқият болсақ, әр адамның қимылы шеңбер бойын айналып жасалынып шығады да, өз «авторына» оралады».
Жаттығу әрбір қатысушыға өзі бастаған қимылы қайтадан жеткенше жасалады. Көп жағдайда, қимылдардың алғашқы ауысуында-ақ қатысушылардың кейбіреулері қателесе бастайды. Ондай кезде, жаттықтырушы топтың қимылдың қате жасалған сәтін анықтап, жаттығуды қайтадан бастауына жетелейді. Әрбір қатысушының қимылы айналым жасап болып, жаттығу аяқталғаннан кейін жаттықтырушы қатысушылардан кімге өзінің қимылы қайта оралды және оны жасау түрінде өзгерістер бар ма екен - деп сұрайды. Талқылау қимылдарды бұрмалаудың негізгі себептерін анықтауға және қатысушылар оны болдырмау үшін не істеу қажеттігін түсінуге бағытталады. Бұл жаттығуды негізінен хабарлама беру барысында ақпаратты бұрмалаусыз қабылдау және беруге мүмкіндік беретін түрлердің тобын қатысушылар сезіну үшін жұмыстың басында өткізу қажет.
Достарыңызбен бөлісу: |
