Генетикалық конструкцияға жататын өнертабыс үшін оның конструктивтік орындалуы, алу тәсілі туралы мәліметтер және мақсатын айқындайтын көрсетілген мақсатты немесе биологиялық функцияны іске асыру мүмкіндігін растайтын деректер келтіріледі. Егер өнертабыс формуласындағы генетикалық конструкция белгісі жалпы ұғымды пайдалана отырып сипатталса, көрсетілген мақсатты немесе мақсатын айқындайтын биологиялық функцияны іске асыра отырып, бірқатар генетикалық конструкцияларды алу мүмкіндігі расталады.
4) Әдіске жататын өнертабыс. Тәсілге жататын өнертабыс үшін оны іске асыру мысалдарында материалдық объектіге іс-қимылдардың (тәсілдердің, операциялардың) дәйектілігі, сондай-ақ іс-қимылдарды жүргізу шарттары, нақты режимдер (температура, қысым және т.б.), бұл ретте пайдаланылатын материалдық құралдар (құрылғылар, заттар, штаммдар және т. б.), егер бұл қажет болса, көрсетіледі.
