Сабаққа оқу жылының басында қатысу - Жаңа оқу жылында педагогикалық құрамында белгілі өзгерістер болады. Мұғалімдер ұжымына жас педагогтар қосылады. Олардың сабақтарына бірінші күннен бастап қатысып бағыт берген жөн. Сабақтың ғылыми-әдітемелік деңгейін үнемі тексеріп отыру сабақ беру үдерісінде қателіктерді болдырмаудың кепілі.
Тақырыптық қатысу -Оқу бағдарламасы бойынша кезектегі тарауды өткенде мұғалімнің барлық сабақтарына басынан аяғына дейін қатысу – мұғалімнің педагогикалық еңбегінің әр түрлі жақтарымен танысуға, оқушылар білімінің көлемін, беріктігін, тереңдігін анықтауға мүмкіндік береді. Сабақ үдерісінде оқыту әдістері, көрнекі және техникалық оқу құралын пайдалана білу тәсілдері зерттеледі. Сабаққа тақырыптық қатысудың барысында мұғалім жұмысының стилі және жүйесімен толық танысуға болады.
