Кишилик олмошлари, уларнинг уч шахсни ифодалаши; ИИИ шахс (бирлик ва кўплик) кишилик олмошларининг от ўрнида қўлланиши; кишилик олмошларининг ким? сўроғига жавоб бўлиши; кишилик олмошларининг келишик қўшимчалари билан қўлланиши, имлоси; олмошларнинг бош ва иккинчи даражали бўлак вазифасида келиши. Кишилик олмошларидан нутқда ўринли фойдалана олиш.
14. Феъл (28 соат)
Феъл, унинг кесим вазифасида келиши; феъл замонлари, уларнинг ҳаракатни уч замоннинг бирида бажарилишини билдириши; ўтган, ҳозирги, келаси замон феъллари, қўшимчалари; уч замондаги феълларнинг талаффузи ва имлоси. Феълларнинг шахс-сон қўшимчалари билан тусланиши; шахс-сон қўшимчаларининг сўз ўзгартирувчи қўшимчалар экани; шахс-сон қўшимчалари ҳаракатни уч шахснинг бири томонидан бажарилишини билдириши; шахс-сон қўшимчаларининг -яп, -ди замон қўшимчаларидан сўнг қўшиладиган шакллари (амалий); шахс-сон қўшимчали феълларнинг талаффузи ва имлоси. Феъл ясовчи қўшимчалар. Лексик машқлар ва улар ёрдамида ўқувчилар нутқини феъллар билан бойитиш;
