Кіріспе. Адамзат қоғамының алдында тұрған экологиялық мәселелер оның дамуының барлық тарихи
кезеңдерінде орын алып отырды. Өндірістік қоғам мен демографиялық жарылыс кезеңінде адамзаттық
табиғатқа теріс әсерінің нәтижелері ғаламдық сипатқа ие болады. Экологиялық мәселенің мәні –
табиғаттағы қалыптасқан тепе-теңдікті бұзбай, адамдарды жерде қоныстандыру және олардың барлық
қажеттіліктерін қамтамасыз ету. Қазіргі кезең адамның ерекше биосфералық қызметі биосфераның қорғау
мен сақтап қалу қызметімен анықталып отыр. Экологиялық мәселелердің алдын алу үшін адам ретсіз
дамудан тиімді, реттелген, табиғат пен қоғамның даму заңдарына негізделген дамуға өтуі тиіс. Тек осы
кезде ғана адамзат қоғамының дамуы үздіксіз, ұзақ уақыттық, бірқалыпты жағдайда табиғи және
әлеуметтік дағдарыссыз дамиды.
