Зерттеу нәтижелері мен сараптамасы. Жас спортшыларға жаттығу ойын түрінде өтуі керек.
Олардың спортқа деген қызығушылығын арттыру үшін жаттығудың 20-30% ойын түрінде өткізу керек.
Жаттығу кезінде өтетін ойын түрлері екі командаға бөліп күрестіру немесе балалардың шапшаңдығын,
жылдамдығын, физикалық күшін дамытуға арналған ойындар. Жас спортшының спортқа деген
қызығушылығын арттыру мақсатында жаттығу кезінде жарыс форматында өткізіп, оларға страйптар
(страйп спортшының келесі белбеуге өту үшін берілетін ақ жолақтар) немесе ынталандыру сыйлықтарын
табыстаса, үлкен жігер-құлшыныс пайда болады.
Осы әдістемені іс жүзінде қолдана отырып көптеген жетістікке жетуге болады. Атап айтар болсақ, мен
бапкерлік жасайтын С.Қ. Нұрмағамбетов атындағы «Сағадат батыр» спорт клубының спортшылары жақсы
жетістікке қол жеткізіп келеді. Шәкіртім жасөспірімдер арасында джиу-джитсудан екі дүркін әлем
чемпионы болған 12 жасар Жібек Құлымбетова (2018, 2019 ж. БАƏ, Абу-Даби қаласы) және 2019 жылы
сәуір айында өткен жасөспірімдер арасында джиу-джитсудан өткен әлем чемпионатында 12 шәкіртім
чемпион атанып, 14 шәкіртім әлем чемпионатының жүлдегері болды. Əлем чемпионатында командалық
есеппен 3-ші орынға ие болдық. Мен жетекшілік ететін С.Қ. Нұрмағамбетов атындағы «Сағадат батыр»
спорт клубы елімізде өткен республикалық, халықаралық турнирлерде командалық есеппен топ жарып
келеді. Бұл жетістікке жету жолы спортқа ғылым ретінде қарап, жас спортшының күреске деген
қызығушылығын арттырып, ата-аналарымен бірлесе тәрбие жұмыстарын өткізіп, жарысқа арнайы бағ-
дарлама бойынша дайындап, кешенді бақылау әдістемесін дұрыс пайдалана білу деп білемін.
