Іү. Файл №3 «ҚО үшін қажетті оқу материалдары»
жүктеу/скачать 347,97 Kb.
|
| Дәрістің мазмұны:
Жұмыс техникасы – Акварельмен жұмыс істеу кезінде планшетті немесе қағаз тартылған стираторды дұрыс ұстау маңызды. Планшетті тігінен қоюға болмайды, өйткені бояу бұл қалпында ағып кетеді. Планшетті тым көлденең де қоюға болмайды, бұл жағдайда су қағаз бетінің әрбір жеріне жиналып, кепкенде бояу қатпарланып тұрады. Ең тиімдісі планшетті аздап жатқызып қойған. Мұндай қалпында қағаз бетінде бояу қатпарлары қалса да, оны таза қылқаламмен сүртіп алуға болады. Акварельдің жұмыс техникасын игеру үшін, алғашқы жаттғуларды бір түспен, мысалы, қара немесе қою қоңыр түспен орындауға болады. Кескіндеменің бұл түрін бір түсті немесе монохромды, не «гризайль» деп айтады. Акварельмен жұмысты неден бастаған жөн ? Көбінесе бір түсті немесе түрлі түсті акварельде қою жерлерінен бастайды. Бұл натураның жарық және көлеңке қатынасын бөліп көрсетуге, түрдің көлемін алғашқы этаптарда тереңірек сезінуге көмектеседі, сонымен қатар, бояу қабатының тазалық дәрежесін сақтауға септігін тигізеді, өйткені бояуды қабат – қабаттап салуға тура келеді. Бірақ та акварель тонның күшін әлсірету қателігін жібермейді, сондықтанда ең қою жерлерін бірден бар күшімен салмай, алдымен аздап ашық түстермен боялады. «Дымқылдату» тәсілі де акварельде қолданылады. Бұл кезекте қағаз бетін алдымен сумен дымқылдатып алады. Мұнда қағаз астына қалыңдау дымқылдатылғанкартонды салу арқылы, бүкіл жұмыс барысында қағазды сулы қалпында ұстауға болады. Бұл тәсіл суретке өзгертулер, түзетулер енгізуге мүмкіндік береді. Соған қарамастан, бұл өте қиын тәсіл, өйткені барлық жұмыс барысы кезінде қағаздың бір қалыпты дымқылдығын сақтау мүмкін емес. Гуашь Акварель сияқты, гуашь суға езіледі. «Гуашь» сөзі итальян «quazzo» сөзінен шығып, «дымқыл» деген мағынаны білдіреді. Сонымен бірге «гуашь» деп бояудың осы түрімен орындалған өнер туындыларын да атайды. Бірақ өзінің ерекшеліктерімен акварельден өзгешеленіп тұрады. Оның ерекшелігі – мөлдірліктен айрылғандығында. Гуашьтың қандай да бір түсін таңдап алған соң, оған (белила) қосылады. Гуашь кепкен соң оның бетінде ақшылдау қабат түзіледі. Гуашь техникасының қиындығысол, онымен жұмыс жасағанда, түс кепкен соң қандай болып шығатынын алдын ала білуге болмайды. Гуашь таза бетке жақсы жағылады. Басқа жағдайларда ол үгітіліп қалуы мүмкін. Кейде гуашь техникасын акварельге де қолданады. Мұнда соңғысында БЕЛИЛА қосады. Бұл кезде акварель кескіндемесі гуашь кескіндемесіне ұқсап кетеді. Акварель мен БЕЛИЛА қосындысы гуашьқа қарағанда қоюырақ түс береді. Адамның сезімдерінің ішінде көру қабілеті аса дамыған. Көру үшін басты шарт – жарық. Күн сәулесін ақ деп санау бейімдіге айналған, негізінде оның өте күрделі түстер құрамы бар, оны әйнек призмадан күн сәулесін өткізу арқылы байқауға болады. Осындай жолмен алынған спектрде бірқатар түстер тобын байқаумызға болады. Олар біртіндеп – біртіндеп біреуінен келесісіне өтіп отырады. Күннен басқа да жарық шығаратын денелерді атауға болады, мәселен, элекрт лампасы, керосин лампасының жанып тұрған пілтесі, майшам, сіріңке, т.с.с.Олар күннен өзге түс береді , және ондай спектрді зертегенде, күн сәулесі спектрінен басқа спектр түзеді. Түрлі түсті заттармен бірге түссіз заттарды да көреміз, яғни қара, сұр, ақ оларды ахроматикалық (грекше “Achrmos”- түссіз) деп атау қалыптасқан, түрлі – түсті, хроматикалыққа қарама қарсы. Таза ақ түс барлық күннен түскен сәулелерді бейнелейді. Таза қара түс күн сәулесін керісінше өзіне жұтып, сіңіріп алады. Сұр түс, ақ түске қарағанда ашықтылығымен ғана ерекшеленеді. Адамның көзі түстің ашығынан қоюына ауысудың 300-ін айыра алады. Хроматикалық түстердің 3 қасиеті бар.Түстен түсті ажырататын белгіні түстік тон деп атаймыз. Бұл терминді суреттегі «тон» деп жарық дәрежесін атайды, ал түс енгізуінде түстік тон деп түстер айырмашылығын атайды. Екінші қасиеті-қаныққандығы (кейде оны тазалық терминімен ауыстырады). Неғұрлым түс жақын болса, соғұрлым қаныққан болады. Қаныққандық деп, мысалы, қызыл мак, көкнәр, сары лимонды атаймыз. Үшінші қасиеті-ашықтығы. Ашық түстерге қызыл, сарыны жатқызуға болады. Бұл үш қасиеті-тон, қаныққандығы, ашықтығы-барлық түстерде бар. жүктеу/скачать 347,97 Kb. Достарыңызбен бөлісу:
|