І жүргізуші: Ассалаумағалайкум! Құрметті қонақтар! ІІ жүргізуші
жүктеу/скачать 28,6 Kb.
|
жаңа жылдық сценарии
- Бұл бет үшін навигация:
- І жүргізуші
- Аяз ата келеді. Қасында Ақша қары бар. Таяғын тарсылдата кіріп келеді. Аяз ата
- Ақша қар
- ІІ жүргізуші
- Ертегі кейіпкерлері
- Аяз ата
- Ертегі кейіпкерлері моншақтар ойынын ойнатады
- 3-4 сыныптың Концерттік номерлері көрсетіледі
| Тақырыбы: «Қош келдің, Тышқан жылы төрімізге»
(3-4 сынып оқушыларының жаңа жылдық мерекесі) Жаңа жылдық әуен ойнап тұрады. Екі жүргізуші ортаға шығады. І жүргізуші: Ассалаумағалайкум! Құрметті қонақтар! ІІ жүргізуші: Армысыздар, ардақты ұстаздар, оқушылар! І жүргізуші: Жаңа жыл – жаңа қадам, жаңа бағыт, Болашақ сыйлайтындай жаңа бақыт. Тышқан жылы кеп қалды ортамызға, Жақсылықпен жалғассын жаңа уақыт. Құтты болсын жаңа жыл, барша халық. Қуанышқа, шаттыққа тамсанайық. Бірімізге шынайы тілек тілеп, Бар әлемге бақытпен жар салайық!
Жаңа күнде ән қылып, Тек жүреміз сән құрып. Көңілдердей қартаймай, Шырша тұрар мәңгілік! «Жаңа жыл әні » хор І жүргізуші Білесің бе, осы Жаңа жыл әлемдегі ең көп, әрі ең керемет тойланатын мереке екен. ІІ жүргізуші: Дұрыс айтасың, бұл күні қуанбаған жан қалмайды. Бәрінің жүздерінде күлкі мен шаттық. Әлемнің әр жерінде от шашулар атылып, жаңа жылдық шыршалар бой көтеріп, еңбектеген баладан еңкейген қарияға дейін бақыттың құшағында жүреді екен! І жүргізуші: Құрметті, ұстаздар, оқушылар! Сіздерді осындай бақытты шақтың қуанышы – Жаңа жылы мерекесімен шын жүректен (бірге құттықтаймыз!) ІІ жүргізуші: Жаңа жыл тек қана бақыт, қуаныш әкелсін дей отырып, бүгінгі көңілді кешіміздің алғашқы сөз кезегін мектеп директоры ... Мадина .Шералы қызына береміз. І жүргізуші: Жаңа жыл - қайсарлық пен жүректілік, Баратын болашаққа білек түріп. Әдемі тілектерге қол соғамыз, Әлемге жақсылықтар тілеп тұрып. І жүргізуші: Өзінің құттықтау әнімен ортаға әншілеріңіз (------------) келіп тұр екен, қарсы алыңыздар! Музыка қосылады. Бірақ әнші әнді айтпайды. Әнші: О, ағайын! Мен ән сала алмаймын. Орталарыңда не Аяз ата, не Ақша қар жоқ. Қалай болғаны? Жаңа жыл деген өзіндік ерекшелігімен болу керек қой. Аяз ата мен Ақша қар келмей, мен ән айта алмаймын. ІІ жүргізуші: Ойбуууу, ұят болды ғой! Біз шынымен осы Жаңа жылдың иесін ұмытып кетіппіз ғой. Достар, ендеше бәріміз бір ауыздан Аяз ата мен Ақша қарды шақырып алайық. Қалай қарайсыздар?! І жүргізуші: Ақ киімді, денелі, ақ сақалды - деп, Абай атамыз жырға қосқандай, ұзақ күттірмей, барлық балалардың қуанышы Аяз атаны ортаға шақырайық. Аяз ата! Аяз ата! Аяз ата! ІІ жүргізуші: Біз бәлкім шын көңілмен шақырмай жатқан болармыз! Кәне, достар, не тұрыс, шын ниетпен, бар күшімізбен Аяз атаны шақырайық! Аяз ата! Аяз ата! Аяз ата! Аяз ата келеді. Қасында Ақша қары бар. Таяғын тарсылдата кіріп келеді. Аяз ата: Сендерге көк жүзінен нұрдай болып, Жауғанын қапалақтап көріп қардың, Асыға ұшып келдім құрдай жорып, Ал, достар алдарыңа келіп қалдым. Оо, қарақтарым! Мен сендерді сағына жетіп келдім. Шын тілеген ниеттеріңнің арқасында Ақша қар екеуіміз сонау солтүстүтіктен бұғымызға шанамызды жеге салып келіп тұрмыз.
Бұзба енді мәніңді. Әнші балам, тоқтама, Шырқап жібер әніңді. Ән салынады. ----------------------------------------------- Ән айтылып болған соң Аяз ата әншіге сыйлығын береді. ІІ жүргізуші: Аяз ата, көрдіңіз бе, біздің жастар өнерлі. Сіз келеді деп күтіп отырғандары қаншама?! Солардың да өнерін тамашаласақ. ІІ жүргізуші: Ендеше ортаға биші қыздарымызды шақырайық. "-----------" бишілер тобы. Қарсы алыңыздар! Аяз ата: Тамаша, тамаша, Күн туылды жаңаша. Тамсанады барлығы, Өнеріне қараса. Тамаша, тамаша!!! Ақша қар, сыйлықтар қайда, кәне, берші. Мен мына жастардың жарқын жүздеріне, тамаша өнеріне тамсанып отырмын.
Ақындарын сыйлаған ел емес пе. Биылғы келіп отырған жыл да қазақ халқы үшін қасиетті тышқан жылы! Ендеше бабына келіп отырған жүйрікті жібер ортаға! Өнеріне бір тамсанайық! Ортаға оқушылар шығып өлеңдерін оқиды. ІІ жүргізуші: Бәрекелді! Шабытың шарықтай берсін! Ақша қар: Қандай керемет жыр жолдары! Аяз ата: Көрдің бе, Ақша қар! Қазақ халқы сөздік қорға бай әрі тілдің майын тамыза сөйлейтін халық деп, саған жол бойы айтып едім ғой. Конырау үндері мен дауылдың үні естіледі І жүргізуші Балалар,Аяз ата ,Ақша қар бұл не дыбыс а? Тышқанның пи пи пи деген үні естіледі ІІ жүргізуші Қорықпаңдар достар! Бұл біздің тойымызға асығып келе жатқан Тышқандай жыл басымыз секілді І жүргізуші Жаңа-жыл жаңа әннің тербелуі Жаңа-жыл ақ арманның өрленуі. Жаңа –жыл партадағы лүпілдеген, Кішкентай шәкірттердің ержетуі. Ондай болса балалар биыл бізге келіп тұрған Тышқан жылын қарсы алайық Осы мезетте музыка ойналып ортаға Тышқан жылы әнімен кіреді ІІ жүргізуші Жаңа-жылың құтты болсын ағайын. Талай қызық болар деп тамсанамыз Осы күнді сағынып, аңсағанбыз Жасыл шырша жанында қол ұстасып Жаңа-жылды қосылып қарсы аламыз. Тышқан жылы өз әнінен соң балалармен амандасып алып би билеуге шақырады «Вуги вуги биі» Дәл осы кезде сырт жақтан жүгіре басып қолдарында сиқырлы таяқтары бар Аяз атаның көмекшілері (ертегі кейіпкерлері ) кіріп келеді. Ертегі кейіпкерлері: Сізді іздеп таппай жүр едік, ата! Қайда жүрсіз? Біздің сізге шағымымыз бар. Аяз ата: Әй, мұнда не істеп жүрсіңдер, бар, тез қайтыңдар! Менің солтүстік даламды иесіз қалдырдыңдар ма?! Ертегі кейіпкерлері : Жоқ, ата! Сіз жыл сайын жастардың өнерін көремін деп кетіп қаласыз да, біздің өнерді бағаламайсыз. Бүгін, ақыры сәті түсіп тұр екен, осы жастарыңыз мықты болса, бізбен жарысып көрсін. Бәрі жамырай шулап кетеді. Аяз ата: Тоқтатыңдар! Тоқтаңдар, қане! Сендер бұларың үшін әлі-ақ жауап бересіңдер! І жүргізуші: Аяз ата! Біз үшін бұл күтпеген жағдай, әрі тосын сый болды ғой. Олардың несін тоқтатасыз. Көрелік. Сіз және Ақша қар төреші боласыздар. Кім жеңімпаз екенін бірге анықтармыз. Сіздің көмекшілеріңізбен жарысуға біздің жастар дайын. Солай ма, жастар? Жастар: Иә! Дайынбыз! Аяз ата: Жақсы. Ендеше, бастаңдар өнерлеріңді. Өнерлі жастар екі жаққа бөлініп жарысқа түседі. Кезек-кезегімен ән айтып, би билеп, қызықты сұрақтар қояды. Ойындар ойналады. Өнер жарысы аяқталған соң, Аяз ата сөз алады. Ертегі кейіпкерлері моншақтар ойынын ойнатады Моншақтар ойыны ойнатылады ( кішкентай түрлі-түсті шарлар) мен ұлпа қарлар шыршаның алдына араласып шашылады. 3-4 ұл бала мен осынша қыз шақырылады. Ұлдар ұлпа қарларды , ал қыздар моншақтарды себетке жинайды.Ойынның соңында ішіне моншақ салынған себетті ертегілер кейіпкерелеріне береді. 3-4 сыныптың Концерттік номерлері көрсетіледі Аяз ата: Ой, бәрекелді! Мен мұндай ерекше кеште бірінші рет болудамын. Сендерге рақмет жастар, әрі сендерге де, көмекшілерім! Ақша қар, біз шынымен де өзіміздің өнерлі жандарға мән бермей жүре екенбіз ғой. Ақша қар: Иә, ата! Бірінен-бірі өткен өнерпаздар екен! ІІ жүргізуші: Ал, Аяз ата! Бағасы мен сыйлығын беріңіз бұл екі жақтың! Сіздіңше кім жеңді? Аяз ата: Әәә не дейін, Жаңа жылдың осынау шаттықты кешінде бірі жеңілді, бірі жеңді деп айту маған да оңай емес. Дегенмен бүгін бірлік пен достық жеңсін. Мен өзімнің осы уақытқа дейінгі жолымда тек Ақша қарымды алып сапар шегетін едім. Енді қарап тұрсам бәрі басқаша екен. Ендігі жылдан бастап мен көмекшілерімді ерте келемін. Бірақ жарысу мақсатында емес, бірігіп өнер мен қызықтар көрсетіп, Жаңа жылдың жаңа күнін тойлатуға келемін. І жүргізуші: Бәрекелді, Аяз ата! ІІ жүргізуші: Шынымен де сөзіңіздің жаны бар! Екі жақ та өнерден кенде емес екендерін көрсетті. Жаңа жылда жарылқап, жүйрік аттай бірге қоса шауып сіздің көмекшілеріңізбен бірге біздің өнерлі жастар тартысты, көңілді кеш сыйлады. «Шырша әні» хор (Сағат тілі қаттырақ тық-тық етіп қағып кетеді сол кезде) Аяз ата: Ал, қарақтарым! Менің сағатым соғып жатыр. Мені күтіп отырған қаншама ел мен жер бар. Сонда барайын. Сендерге көп рақмет! Өнерлерің өрге жүзсін. Биік шыңдардан көрініңдер! Жаңа жыл - жаң бағыт, Әкелсін далама құт. Өнерлілерің көп болсын, Елде уайым жоқ болсын. Тілектерің ақ болсын, Бастарыңа бақ қонсын. Келер жылы келермін, Өнер тағы көрермін. Сыйлық әкеп сендерге, Көптен-көптен берермін. Жақсылыққа толыңдар, Тек биікке қоныңдар. Келесі жылы көргенше, Амандықта болыңдар! І жүргізуші: Ал, құрметті достар! Бәріміз бірге Аяз атаны шығарып салайық. ІІ жүргізуші: Аяз ата, келесі кездескенше аман болыңыз. Біз сізді асыға күтеміз. Аяз ата қызын ертіп, көмекшілерімен бірге шығып кетеді. І жүргізуші: Құрметті достар! ІІ жүргізуші: Қадірлі ұстаздар, қонақтар! І жүргізуші: Жаңа жыл! Осы жыл барлық отбасыларыңызға бақыт пен шаттық әкелсін. Еңбектеріңіз жемісті болсын. Табысқа кенеліп, тұлпардай жүйрік болайық! ІІ жүргізуші: Жаңа жыл құтты болсын! Келесі кездескенше сау-саламатта болыңыздар! Мұхтар Әуезов атындағы тірек мектебі (РО) Қош келдің Тышқан жылы төрімізге (3-4 сынып оқушыларының жаңа жылдық сценарии) 
Жауаптылар : Дауренбекова М.Б Ахылбекова А.К Қазақ ауылы-2019-2020 оқу жылы жүктеу/скачать 28,6 Kb. Достарыңызбен бөлісу:
|