Сүйіспеншілік туралы түсінік

Ұлы данышпан Абай атамыз «Адамның жақсысы – адамға сүйіспеншілікпен қарағандар» дегендей, адамның өзгелерге деген қатынасының бастауы оларды жақсы көруден, сыйлаудан және оларға деген сүйіспеншіліктен басталады.

Сүйіспеншілік ол өзгелерге көрсетілетін ыстық бауырмалдық сезім. Бойындағы сүйіспеншілікті көрсетуі адмның өзіне қымбат жандарға деген сезімін сөзімен де, ісімен де білдіріп отыруын айтамыз. Сүйіспеншілік ұғымын грек ойшылы Платон сезімдік махаббат және рухани махаббат сезімдері деп екіге бөліп қарастырады. Сезімдік махаббат адам жанының ынтық болатын, сұлу нәзік сезімі. Ал, рухани махаббат сезімі адамның белсенді танымдық, қызыметінің қайнар бұлағы деп көрсетті. Сонымен бірге адамдарда сүйіспеншілік туындап, оның бағыттылығына байланысты әртүрлі түрлерін байқай аламыз. Сүйіспеншілік тұтас бір ұғым болғанымен де, оны танытудың көптеген түрлері кездесіп жатады.

Сүйіспеншілік тіршіліктің негізгі тірегі. Сүйіспеншілік – тіршіліктің сәні мен мәнін келтіретін нұр әрі ең басты қуат көзі. Жарық дүниеде барша кедергі кесапатты женетін күш те осы сүйіспеншілік. Көңілі сүйіспеншіліктің түбіндегі әрбір тасын санап алуға болатын кәусар бұлағынан мейірім қандырған жанның рухы кемелділік көгінде қыпандай қалқып, мәңгіліктің жасыл жайлауына қанап қағады.