Құдай біздің мақсатымызды Өзі белгілеуді қалайды
Осы тақырыпқа уағыз айтқан соң, бір қыз келіп менен былай деп сұрады: «Мақсат қою жаман болғаны ма? Сіз бізді Құдайға бәрін сеніп тапсырып, болашаққа еш жоспар құрмастан, бір ғана күнмен өмір сүруге шақырасыз ба?»
Алдыға мақсат қоюда тұрған ештеңе жоқ. Құдайдан ақыл-кеңес сұрамастан мақсатымызды анықтау жаман. Жоспар құрғанда бізге әрқашан шындап сиыну керек: «Құдайым, маған не істеу керектігін аша гөр!»
Біздің мінәжатымыз Исаның Гетсиман бағында сиынған мінәжаты сияқты болу керек. «Иса сол жерден әрірек барып, етбетінен жығылып былай деп мінәжат етті: «О,Әкем, мүмкін болса, (қаһарыңа толы) осы «тостағанды» Маған жолата көрме. Алайда Менің емес, Сенің еркіңе сай болсын!» (Мат.26:39).
Достарыңызбен бөлісу: |
