Қимылдың жасалу тәсілдері мен берілу жолдары. Қимылдың өту сипаты категориясы негізгі мағыналарының бірі – қимылдың қалай жасалғанын сипаттау. Қимылдың қалай жасалғанын көрсететін мағыналық ерекшеліктерді білдіру қимылдың тәсілі аталады. Қимыл әр түрлі тәсіл арқылы жасалынып, әр түрлі тәсіл арқылы білдіріледі. Оларды жинақтағанда 8 түрлі тәсіл: 1) тездік тәсілі, 2) созылыңқылық тәсілі, 3) жасандылық тәсілі, 4) жетімсіздік тәсілі, 5) бағыт-мақсат тәсілі, 6) ынта тәсілі, 7) немқұрайды тәсіл, 8) бейімділік тәсілі.