3. Төгінді судың түрлері, тазалау жолдары. Төгінді су деп, өнеркәсіп-тің кір-қалдықтарымен ластанған, үй-тұрмыстық және мал қораларында, өнеркәсіпте пайдаланылып, төкпе құбырларға (канализацияға) түсетін жуын-ды суларды атайды. Мұндай сулар құрамында әртүрлі пайдалы және зиянды элементтер мен химиялық қосылыстар көп болады. Пайдалы элементтер негізінен азот, форсфор, калий және басқа да өсімдікке қоректік маңызы бар заттардан тұрады. Қаладан шығатын төгінді судың әрбір текше метрінде шамамен 30-80 г азот, 5-16 г фосфор және 6-25 г калий болады.
