«Қазақстан - мейірімділік мекені» республикалық балалар бастамасы аясында «Жеке батыр» шаңырақ қауымдастығының оқушылары тағдыр тәлкегіне ұшырап, қиын күндерді бастан кешіріп келе жатқан аналарымыздың жүздеріне бір мезет болса да нұр ұялату мақстымен «Ана үйі» орталығына барды. Оқушылар аналардың құрметіне жүрекжарды өлеңдерін арнап, ән айтып, күй тартып, мың бұрала би биледі. Сондай-ақ кішкентай бүлдіршіндеріне деп алған сый-сыяпаттарын табыс етіп, аналарға гүл шоқтарын ұсынды. «Жұмбақтас» шаңырағы «Мейірім» орталығына барып «Мейірімділік – асыл қасиет» атты концерттік бағдарлама қойды. Мақстаы – балалардың мейірімділік, қайырымдылық, құндылықтары туралы түсініктерінкеңейту, мейірімділіктің адам өміріндегі маңыздылығын түсіндіру – өзара сыйластық қарым-қатынастарын дамыту, баланың бойына рухани-адамгершілік қасиеттерді сіңіру. «Көкшетау» және «Оқжетпес» шаңырақтар қауымдастығының оқушылары «Құстарға қамқорлық жасаймыз!» атты іс-шарасын өткізді. Табиғат жанашырлары өз қолдарымен құстарға арнап ұя жасап, оны ағаштарға орнатты. Осындай тәрбиелік әні бар акциялар оқушыларың, қала тұрғындарының экологиялық мәдениетін көтеріп, қоршаған ортаға құрмет көрсетуге, табиғатты аялай білуге шақырады.
