Көркем еңбек сабақтарында қауіпсіздік ережелерін сақтау. Бастауыш
сынып мұғалімі сыныптағы «сынып бұрышына» жалпы қауіпсіздік
ережелерді жазып, іліп қояды. Сонымен қатар, практикалық жұмыстың
алдында оқушыларға кесетін, тесетін, ӛлшейтін т.б. құрал-жабдықтармен
жұмыс атқару барысында қалай қауіпсіздік техникасы ережелері мен
тазалық-гигеналық талаптарды орындау туралы баяндап отырады. Тек сонан
соң ғана бұйым жасауға оқушылар кіріседі.
Қауіпсіздік техникасы ережелерінің жалпы талабы:
– Жұмысты мұғалімнің рұқсатымен баста;
– құрал-жабдықтарды тек қажетті жағдайда ғана пайдалан;
– істен шыққан, жиегі мұқалған құралмен жұмыс атқарма;
– жұмыс орнын таза ұста, материалдар мен құралдарды парта үстіне
дұрыс орналастыр;
– жұмысқа материалдарды үнемдеп, құралдарды дұрыс пайдалан;
– жұмыс кезінде басқа жаққа алаңдама;
– жұмыс аяқталысымен материалдар мен құралдарды ӛз орындарына
ретпен жинап қой.