«Жалпы медицина» мамандығының 5 курс студенттеріне арналған «Жұқпалы аурулар» пәні бойынша қорытынды бақылауға арналған тесттік тапсырмалар

#37
*!Студент, 18 жаста, жатақханада тұрады. Ауруы жедел басталған: дене қызуы 39 С-қа дейін жоғарылаған, қалтырау, ішінің төменгі аймақтарындағы толғақ тәрізді ауыру сезімі, 7-8 рет іштің өтуі пайда болған. Объективті: жағдайы орташа ауырлықта. Жүрек тондары бәсеңдеген. Іші жұмсақ, сол жақ мықын аймағында ауыру сезімді. Нәжісі сұйық, аз мөлшерлі, шырыш пен қан қосылған.

#38
*!Ер адам, 34 жаста, ауруханаға іштің толғақ тәрізді ауыруына, әлсіздікке, дене қызуының жоғарылауына, 15 рет іштің өтуіне, дефекацияға жалған шақыруға, тенезмдерге шағымданып келген. Объективті: жағдайы орташа ауырлықта. Дене қызуы – 38,8С. ҚҚ - 100/70 мм с. б. Пульс 92 рет/мин. Іші жұмсақ, кіндік маңында, сол жақ мықын аймағында ауыру сезімді. Сигма тәрізді ішек жиырылған, ауыру сезімді. Нәжісі «ректальді түкірік» тәрізді.

#41
*!Әйел адам 35 жаста. Шағымдары: айқын әлсіздік, тәбеттің жоғалуы, жүрек айнуы, қайталамалы құсу, сарғыштық, терінің қышуы, оң жақ қабырға астындағы ауырлық сезімі. 2 ай бұрын қан құйылған (гемотрансфузия). Ауруы 10 күн бұрын басталған: әлсіздік, жүрек айнуы, құсу пайда болған. Аурудың 7-ші күні зәрі қоңырлап, сарғыштық пайда болған. Сол кезде әлсіздік күшейгенін, құсудың жиілегенін байқаған. 1 рет мұрыннан қан кеткен. Объективті: жағдайы ауыр. Әлсіз, адинамиялы. Тері мен шырышты қабаттары айқын сарғайған. Пульсі – 88 рет/мин. Бауыры 1,5-2,0 см-ге ұлғайған. Нәжісі ахолиялы. Зәрі қоңыр түсті.

#42
*!Ер адам, 30 жаста, ауруханада «Вирусты В гепатит» диагнозымен 10 күн бойы ем қабылдап жатыр. Шағымдары: айқын әлсіздік, қайталамалы құсу, тәбеттің жоғалуы, қорқынышты түстер, «құлау» сезімі. Объективті: жағдайы ауыр. Әлсіз, адинамиялы, тежелген. Сұрақтарға баяу жауап береді. Сарғыштығы айқын. Инъекция орындарында геморрагиялар байқалады. Жүрек тондары бәсеңдеген, ырғағы дұрыс, пульсі 90 рет/мин. Бауыры + 1 см-ге ұлғайған. Зәрі қоңыр түсті, нәжісі түссізденген.

#44
*!Әйел адам, 48 жаста, ауруханаға түскен. Шағымдары: әлсіздік, тез шаршау, түндегі тершеңдік, сол жақ қолының білезік аймағындағы және бел аймағындағы ауыру сезімі. 8 ай бұрын жоғары қызбамен, қалтыраумен, тершеңдікпен, буындарының ауыруымен көрінген аурумен ауырған. Эпидемиологиялық анамнез: үй шаруашылығында ешкі, қой ұстайды. Объективті: көңіл-күйі эмоциональді тұрақсыз. Дене қызуы - 37,8⁰С. Полилимфоаденопатия. Гепатоспленомегалия. Сол қолының білезік буынының аймағында терісі қызарған, ісіну байқалады. Осы буынның пальпациясы, активті және пассивті қимылдары ауыру сезімді.

#45
*!Ер адам, 45 жаста, мал дәрігері, ауруханаға түскен кездегі шағымдары: шаршағыштық, бас ауыруы, әлсіздік, қалтырау, тершеңдік, дене қызуының 37,8⁰С-қа дейін, кешкі уақытта 39⁰С-қа дейін жоғарылауы. 1 ай бойы ауырады. Объективті: жағдайы орташа ауырлықта. Мойын, қолтық асты, шап аймағындағы лимфа түйіндері үлкейген. Жүрек тондары бәсеңдеген, ырғақты. Іші жұмсақ, ауыру сезімі жоқ. Бауыры мен көк бауыры ұлғайған.

#46
*!Әйел адам 45 жаста, сауыншы болып жұмыс істейді. Ауруханаға ауруының 7-ші күні түсті. Шағымдары: дене қызуының жоғарылауы, әлсіздік, қалтырау, тершеңдік, бұлшық еттер мен буындарының ауыруы, жөтел. Объективті: жағдайы орташа ауырлықта. Дене қызуы – 38,2 С. Бөртпе жоқ. Өкпесіндегі тынысы әлсіреген, ылғалды сырылдар естіледі. Бауыры мен көк бауыры ұлғайған. Rikketsia Burnetti қоздырғышына қарсы комплементті байланыстыру реакциясы (КБР) арқылы анықталған антиденелер титрі – 1/32.