Жетелейді бір арман

Кез-келген адамның ойында ойлаған ой-армандары болады. Ойлау барысында, адам баласы әрине өзінің өмірлік кәсібіне байланысты да армандайды, оны жүзеге асыру үшін талпынады. Сол армандайтын кәсіп егелерінің ерекшесі- мұғалім және оның арманы деп ойлаймын. Себебі, мұғалім өзгелер сияқты өзі үшін ғана емес, шәкірттері үшін де тілекші болады.

«Армансыз адам, қанатсыз құспен тең»- демекші, өз карьерамды жасау тұрғысынан кемшіліксіз болды деп айта алмаймын, алайда өз-өзіме көңілім толады. Бірақ әлі де өзімді мәнсап жолында жетілдіргім келеді, жетілдіретініме сенемін де, шәкірттерімнің де жарқын жетістіктерге жетулерін қалаймын.

Әрине, өмір болған соң, кәсіби жолыңда жеңілу де, жеңіс те болады. Бірақ ол жағдайлар менің еңсемді түсірген емес, керісінше, мені моральды тұрғыдан шыңдай түскенін білемін. Мұғалім болған кезімнен бастап, қол жеткізген жетістіктерім аз деп айта алмаймын, себебі менің шәкірттерімнің жетістіктері оған дәлел. Олар әрдайым қарапайым оқу үлгерімі, үлгісі, шығармашылық көрсеткіштерінің жоғары болуы арқылы менің еңбегімнің жемісін көрсетеді.