12 Тақырып - Органикалық байланыстырғыш заттар және олардың негізгі қасиеттері Жоспар 1 Органикалық байланыстырғыш заттар және олардың негізгі қасиеттері.
2 Органикалық байланыстырғыш заттардың түрлері.
Органикалық байланыстырғыштар дегеніміз – қара немесе қара-қоңыр түсті, физикалық күйі бойынша қатты, қою—созымтал немесе сұйық болып кездесетін зат. Олар температура мөлшеріне байланысты өздерінің физикалық-механикалық қасиеттерін өзгертуге қабілетті. Органикалық байланыстырғыштар тастың, құмның, кірпіштің, бетонның, ағаштың және т.б. қатты материалдардың бетімен берік ілінісіп ұстасады. Олардың су өткізбейтіндігі, созымталдығы және атмосфералық әсерге төзімділігі жоғары келеді. Органикалық байланыстырғыш заттарға жататындар – битумдар және қарамайлар (дегталар).
Битумдарды бастапқы шикізатының тегі бойынша мұнайлық, сланецтік және табиғи болып, қарамайлар – таскөмірлік, жертезектік және ағаштық болып бөлінеді.
Табиғи битумдар – (қатты немесе қою болу мүмкін) жер қыртысының жоғары қабатында мұнайдан ұшқыш фракцияларының буланып шығуы нәтижесінде және қышқылдану процесі мен полимеризациялану нәтижесінде пайда болған.
Мұнай битумдары өндіру тәсілдеріне байланысты қалдықты, тотықтандырылған (қышқылдандырылған) және крекингленген деп аталатын битумдарға жіктеледі.
