К., Касенова Н. Б. Бейорганикалық химиядан зертханалық жұмыстар

25. Зертханалық жұмыс №23

d–элемент қосылыстары.........................................................................................132

Кіріспе

Берілген химиялық практикум тек қана зертханалық жұмыстардың орындалуынан тұрмайды, оның ішінде теориялық негіздер бойынша нақты сұрақтар болады, ол сұрақтарға жауап іздеу ойлау қабілетін дамытуға және тәжірибелерді саналы түрде орындауға септігін тигізеді. Зертханалық практикумды осылай өңдеу, біздің ойымызша, жеке тәжірибелерді орындау өзіндік зерттеуге әкелуі қажет. Сұрақтардан басқа, практикумда өзін-өзі бақылау және жеке жұмыстарға арналған жаттығулар бар.
Химиялық практикумда химия курсы бағдарламасының негізгі бөлімдері қамтылған: бейорганикалық қосылыстар бөлімі, негізгі заңдар, химиялық кинетика және тепе-теңдік, химиялық процестердің энергетикасы, ерітінділер, тотығу-тотықсыздану және электрохимиялық процестер, элементтер, жай заттар және комплексті қосылыстардың қасиеттері.
Зертханалық жұмыстарды орындау барысында студенттер заттарды қолдану дағдыларын иеленеді, химиялық және физико-химиялық зерттеу әдістерімен және зертханалық өлшеуіш құралдармен танысады. Зертханалық тәжірибелердің көпшілігі оларды жеке орындауға бағытталған.
Зертханалық сабақтың алдында студент оқулықтан, дәріс конспектісінен сәйкес келетін теориялық бөлімді және зертханалық жұмыстың әдістемелік сипаттамасын оқуы қажет. Жұмыстың орындалуы бойынша келесілер көрсетілген есеп болуы керек:

1. 
   Жұмыс нөмірі және оның атауы.
   
2. 
   Орындалу күні.
   
3. 
   Жұмыстың мақсаты.
   
4. 
   Теориялық негіздері.
   
5. 
   Тәжірибені орындау барысындағы байқаулар және өлшеулер, есептеулер, қорытынды.