Ұйым, кәсіпорын, мекеме атынан кәсіптік практика жетекшісінің қорытындысы

4 – курс бакалавранты Үшкен Ақжарқын Спандиярқызы 2022 жылдың 3 қаңтар мен 12 ақпан аралығында зерттеу практикасын өтті. Педагогикалық тəжірибеден өту кезінде Үшкен Ақжарқын өзін жақсы жағынан көрсете білді. Тəжірибенің алғашқы күнінен бастап оқушылармен танысып, тез тіл табысып, оларды өзінің мəдениеттілігімен, кішіпейілдігімен, қарапайымдылығымен əрбір оқушыны өзіне баурай білді. Бірінші күннен бастап – ақ өз ісіне ұқыптылығымен, жауаптылығымен, тиянақтылығымен көрінді. Өзіне жүктелген міндетке үлкен жауапкершіліпен қарап, күнделікті сабағына тиянақтылықпен дайындалып келді. Тәжірибе кезінде сабақта тек оқулық көлемімен шектеліп қалмай, қосымша көрнекіліктермен, қызықты ойындармен өткізе білді. Сабақ жүргізуде, түсіндіруде оқушылардың физика пәніне деген қызығушылығын оята білді. Сабақта әр тақырыпқа байланысты көрнекіліктер пайдаланып, сыныптың сабаққа көбінің қатысуы, топпен жұмыс істеуі, уақытты бөліп үйренгенін көрсете білді. Берілген жұмысты уақытылы жəне сапалы орындай білді. Мектептегі мұғалімдер ұжымымен жақсы қарым – қатынаста болды. Үшкен Ақжарқын тəжірибе барысында мектепке үнемі мол дайындықпен, көп ізденіспен келеді. Мінезі ашық, өз жұмысына ынталы, мектептің барлық мұғалім – қызметкерлерімен тез тіл табыса алды. Сынды дұрыс түсінеді, кемшіліктерін тез түзетуге тырысады. Үшкен Ақжарқын болашақта білімді де білікті, үлгілі еліне адал қызмет ететін азаматша болатынына сенеміз жəне педагогикалық тəжірибені «өте жақсы» деп бағалаймыз.