6-сабақ.
Сабақтың тақырыбы: Біз қалай сөйлейміз?
Мақсаты: 1. Ырғақ туралы түсінік беру. Оқушылардың сөйлеу мәдениеті туралы түсініктерін кеңейту.
2.Cөзді түсіне білу, мәдени сөйлеу дағдыларын қалыптастыру, сөздік қорларын молайту.
3. Адамдармен жағымды қарым-қатынас жасауға, сыйластыққа тәрбиелеу.
Күтілетін нәтиже: Сөйлеу мәдениеті туралы білімдері кеңейеді, жағымды қарым-қатынас жасауға үйренеді.
Қолданылатын көрнекіліктер: журналдар, 2-сыныпқа арналған «Шешендік өнер әліппесі»
Әдістер: сұрақ- жауап, диалог.
І.Ұйымдастыру кезеңі.
ІІ.Жаңа сабақ.
Қандай жағдайда асықпай сөйлейміз?
Ал қандай жағдайда әдеттегіден жылдам сөйлейміз?
Мысалдарға назар аудар.
– Әке, әке! Қатты дауыл соғып жатыр, сіздің көлігіңіздің үстіне қарағаш құлағалы тұр!
Әже, маған ертегі айтып беріңізші.
*Қайсысын ақырын, қайсысын жылдам айтасың? Неліктен?
2. Өлеңді көтеріңкі көңіл-күймен оқы.
Балақай-ау, балақай,
Жаз келеді-ау, алақай.
Жалаң аяқ жүреміз,
Балақты да түреміз.
Көлден балық сүземіз,
Жалтылдатып тіземіз.
Тау мен тасты кеземіз,
Сан қызықты көреміз,
Сайдан жидек тереміз.
Тайға мініп желеміз,
Алтыбақан тебеміз.
Достарыңызбен бөлісу: |
