Тұлғаның бесфакторлық моделі және көшбасшылық Соңғы 25 жылда зерттеушілер арасында біз тұлға деп атайтын ұғымды құрайтын негізгі факторларға қатысты ортақ мәміле пайда болды (Goldberg, 1990; McCrae & Costa, 1987). «Үлкен бестік» деп аталатын бұл факторларға нейротизм, экстраверсия (динамизм), ашықтық (интеллект), ақкөңілділік пен акниеттілік (сенімділік) жатады (2.3-кесте). «Үлкен бестік» пен көшбасшылық арасындағы байланысты бағалау үшін Джадж, Боно, Айлис, сондай-ақ Герхардт (2002) 1967-1998 жылдар аралығында жарық көрген көшбасшылық пен тұлға жайында 78 зерттеуге үлкен мета-талдау жүргізді. Жалпы айтқанда, олар «үлкен бестікке» енетін Нейротизм Экстраверсия Ашықтық Ақкөңілділік Ақниеттілік тұнжыраңқы, үрейлі, қорғансыз, әлсіз және жауластық ахуалға бейімділік. көпшіл және қайсар, жағымды энергияға ие болуға бейімділік. хабардар, креатив, зерек және әуесқой болуға бейімділік. ықыласты, икемді, сенімді және қамқор болуға бейімділік. мұқият, тәртіпті, қия баспайтын, сенім артуға тұрарлық және батыл болуға бейімділік. тұлғалық қасиеттер мен көшбасшылық арасындағы тығыз байланысты анықтады. Белгілі бір тұлғалық қасиеттерді иелену мен ықпалды көшбасшы болу арасында байланыс бар секілді. Олардың зерттеуінде әсіресе экстраверсия көшбасшылықпен ең тығыз байланысатын фактор ретінде танылды. Бұл – ықпалды көшбасшының ең маңызды тұлғалық қасиеті. Экстраверсиядан соң кезек бойынша ақниетті- лік, ашықтық және төмен деңгейдегі нейротизм келеді. Ал ақкөңілділік көш- басшылыкпен әлсіз ғана байланысатын фактор болып саналды. Сакетт пен Уолмсли (2014) кейінірек өз зерттеулерінде ақниеттілік пен жұмыс өнімді- лігі, міндеттерді орындау, ұйымдық азаматтық мінез-құлық және жұмыста- ғы теріс мінез-құлық (теріс байланыс) арасында өзара байланыс бар екенін мәлімдеді. Бұл әртүрлі мамандыққа сай жұмысқа қабылдау кезінде ең жиі бағаланатын тұлғалық қасиет екені белгілі болды.
