6
АУЫЗ ҚУЫСЫ МЕН ТІС КҮТІМІНЕ АРНАЛҒАН ӨНІМДЕР
КІРІСПЕ
Ауыз қуысы мен тістерді таза ұстау көптен бері адамның күнделікті өмірінің бір бөлігіне айналды. Кезінде
тістерге күтім жасауға арналған өнімдер, көбінесе, тіс тазалайтын құралдардан тұрған. Олардың мақсаты
тістердің арасындағы тамақтың қалдықтарын тазалап, тістерді ағарту еді. Қазіргі таңда тістерге күтім
жасайтын өнімдердің көбісі тісжегі немесе қызыл иектің қабынуы сияқты жалпы таралған стоматологиялық
проблемалардың алдын алуда қосымша мүмкіндіктерді ұсынып отыр.
Тіс күтіміне арналған өнімдер тері және шаш күтімі саласымен салыстырғанда косметика өндірісінің
тек аз ғана мөлшерін құрайды. Дегенмен, күнделікті өмірімізде олардың рөлі өте маңызды. Сол өнімдердің
түрлері өте көп және дүние жүзінде кеңінен таралған. Өнімдердің кең таралып, өндірушілердің жарнамаға
ақшаларын аямайтынына қарамастан, тіс пен ауыз қуысы күтіміне арналған өнімдердің адам басына
шаққандағы саны, денсаулық сақтау саласындағы мамандардың ұсыныстарына қарағанда, азырақ.
Осы тарауда адамның тістері мен қызыл иегінің анатомиялық және физиологиялық сипаттамасы
берілген. Сонымен қатар, косметика мен рецептсіз берілетін дәрілердің, яғни ауыз қуысына күтім жасау үшін
қолданатын косметикалық өнімдер, соның ішінде солардың ингредиенттері, әзірлеу технологиясы, сынау
әдістері мен қаптау материалдардың алуан түрлері де қарастырылады. Сондай-ақ бұл тарауда сол өнімдердің
адам тістері мен ауыз қуысына қандай әсер тигізетінін және тұтынушылардың жалпы талаптарын қарастырады.
Достарыңызбен бөлісу: | 
