Косметика өндірісі мен технологиясына кіріспе
жүктеу/скачать 16,24 Mb. Pdf көрінісі
|
b436ce0a649361871333ff7a454fb4e8 original.17032999
| НЕГІЗГІ ТҰЖЫРЫМДАМАЛАР
1.
Генетикалық тұрғыдан анықталатын және тек уақыт өте келе болатын қартаюдың жалпы процесі ішкі факторлардың әсерінен туындаған терінің қартаюы немесе хронологиялық қартаю процесі деп аталады, ал қоршаған орта факторларынан туындаған терінің қартаю процесі сыртқы факторлардың әсерінен туындаған терінің қартаюы деп аталады. 2. Бүгінгі күні инвазилық емес технологиялардан инвазиялық әдістерге дейін қартаюдың алдын алу және / немесе емдеу үшін өнімдер мен процедуралардың кең ауқымы бар. 3.
Өсімдік сығындылары, антиоксиданттар, ақуыздар мен пептидтер, ретиноидтар, гидроксиқышқылдар мен күннен қорғайтын құралдар тотығу реакцияларын және еркін радикалдардың түзілуін болдырмайды, эпидермисті қайтадан жабады және коллаген мен эластиннің табиғи синтезіне ықпал етеді. 4.
Көптеген жасартатын құрамалар эмульсиялар болып табылады, себебі олар май мен суда еритін компоненттерді бір мезгілде қосу мүмкіндігімен косметикалық тұрғыдан көрікті құрамдарды ұсынады. 5. АГҚ-ны, жергілікті қолданылатын ретиноидтарды, сондай-ақ пептидтер мен ақуыздарды қоса алғанда, кейбір қартаюға қарсы ингредиенттерді қауіпсіз пайдалану жөнінде алаңдаушылықтар пайда болды. 6.
Кәдімгі безеу күрделі патофизиологияға ие және бірқатар факторларға байланысты болуы мүмкін майлы-түкті кешеннің жалпы дерматологиялық ауруы. 7. Безеудің клиникалық көріністері жеңіл қабынбайтын формадан безеудің күрделі қабынатын жылауықты түріне дейін өзгеруі мүмкін. 8.
Кәдімгі безеу, сондай-ақ жиі комедондар санын, қабыну зақымдануларын, зақымданулар мен жылауықтар жалпы санын қоса алғанда, ауырлық дәрежесі негізінде жіктеледі. 9. Неғұрлым жеңіл жағдайларды дәріні рецептісіз және рецепт бойынша қабылдау схемасының көмегімен емдеу керек, ал тек рецепт бойынша босатылатын жүйелі препараттар неғұрлым ауыр жағдайларда көрсетілген. 10. Безеуді емдеуге байланысты негізгі қауіпсіздік мәселелері көптеген жергілікті ингредиенттермен туындаған тітіркену мен құрғақтықты, және ішке қабылдайтын ретиноидтардың тератогендігін қамтиды. Антибиотиктерді пайдалану кезінде бактерияға қарсы препараттарға төзімділік қаупі қосымша алаңдаушылық туғызады.
Терінің қартаюы эндогенді және экзогенді факторлардың үйлесуі әсер ететін күрделі биологиялық процесс болып табылады, бұл тері қабатындағы құрылымдық және физиологиялық өзгерістерге, сондай-ақ терінің сыртқы түрінің өзгеруіне, әсіресе ашық күн сәулесіне
ұшыраған тері учаскелеріндегі өзгерістерге әкеледі. Кәдімгі безеу әсіресе жасөспірімдер мен жастар арасында өте кең таралған тері ауруы. Бұл ең алдымен бетке әсер етеді; алайда ауыр жағдайларда бұл кеудеге, мойынға және арқаға әсер етуі мүмкін. Ол тудыруы мүмкін көрінетін симптомдарға қосымша, пациенттердің өмір сапасына (ӨС) анық зиянды психоәлеуметтік әсер етеді. Терінің саулығы мен сұлулығы жалпы көңіл-күйді және денсаулықты көрсететін басты факторлар 198 болып табылатындықтан, қартаю мен безеудің белгілеріне бағытталған тері күтімі құрамалары өсе келе үлкен мәнге ие болды. Бұл бөлімде терінің қартаю процесі, ықтимал алдын алу шаралары, сондай-ақ қазіргі уақытта қолданылатын ингредиенттер мен дайындау әдістері қарастырылады. Сонымен қатар, бөлімде безеуге, олардың негізгі белгілері мен симптомдарына, емдеудің ағымдағы нұсқаларына шолу, сондай-ақ безеуге қарсы препараттардың құрамасы бойынша кейбір ұсыныстар бар.
жүктеу/скачать 16,24 Mb. Достарыңызбен бөлісу:
|