Жұмыстың орындалу тәртібі. 1-тапсырма. а) Миллиамперметрдің бетіндегі шартты белгілеулерді жазып алыңыздар. ә) Шартты белгілеулер бойынша құралдың техникалык сипаттамасын құрыңыздар, оған кіретіндер: құрал қай системаға жатады, ток бойынша өлшеу шегі, ішкі кедергісі, дәлдік класы. б) Берілген миллиамперметрдің қалай пайдалану шарттарын анықтаңдар: құралмен қандай токты өлшеуге болады, жұмыс кезінде қалай қойылады, изоляциясын тесіп өтетін кернеуі қанша, шкаласының құны неге тең.
2-тапсырма. Техникалық сипаттамасының негізінде берілген өткізгіштен миллиамперметрдің өлшейтін тоғының шекті мәнін n есе (оқытушының тапсырмасы бойынша) арттыратын шунтты есептеп, миллиамперметрге параллель қосыңыздар.
3-тапсырма. Шунтталған миллиамперметрді I, ІІ-әдістермен градуирлеңіздер.
4-тапсырма. Шунт қосып қайта құрылған амперметрдің техникалық паспортын жазыңыздар, онда көрсетілетіні: өлшеу шегі, ішкі кедергісі, шкаланың соңы үшін градуирлеудің шекті салыстырмалы қатесі.
