Үлгілер альбомы кодтық белгіленуі: 05/12–14 атауы: іс-әрекет
НАУҚАСТЫ ЖӘНЕ МЕДИЦИНАЛЫҚ ҚҰРАЛ-САЙМАНДАРДЫ
жүктеу/скачать 1,18 Mb.
|
Алгоритм мейірбике
- Бұл бет үшін навигация:
- Қолдану көрсетілімдері
- Іс-әрекет алгоритмі
| НАУҚАСТЫ ЖӘНЕ МЕДИЦИНАЛЫҚ ҚҰРАЛ-САЙМАНДАРДЫ
ТӨС-СҮЙЕГІН ТЕСУГЕ (пункциясына) ДАЙЫНДАУ Мақсаты: диагностикалық: қан ауруларының диагнозын айқындау және диагнозды дұрыс қою үшін сүйек миын зерттеу. Қолдану көрсетілімдері: қан өндіру жүйесінің аурулары. Дайындаңыз: залалсыздандырылған: лотокті, 10-20 мл шприцтерді Кассирский пункциялық инесін, таңғыш материалды, 8-10 дана заттық әйнектерді, мақта және дәке шариктерін, корнцангты, қолғапты, тері антисептигін, 0,5% спиртті йод ерітіндісін, лейкопластырьді, қауіпсіз жинауға және жоюға арналған контейнерді. Іс-әрекет алгоритмі: 1. Науқасқа алда болатын зерттеу туралы мәліметті беріп, оның келісімін алыңыз. 2. Дәрігер төс сүйегін тесуді емшара кабинетінде жүргізеді. 3. Төс сүйегі ІІІ-ІV қабырға аралық деңгейде тесіледі. 4. Мейірбике манипуляция жүргізгенде дәрігерге көмектеседі. 5. Науқасты емшара кабинетіне шақырыңыз. 6. Науқасты беліне дейін шешінуін сұраныңыз. Науқасқа кушеткаға арқасымен көпшіксіз жатуына көмектесіңіз. 7. Қолыңызды гигиеналық деңгейде тазартып, иоларды тері антисептигімен өңдеңіз, қолғапты киіңіз. 8. Науқастың кеуде торының алдыңғы бетін, бұғанадан төс шеміршегі мен кіндік аймағына дейін 5% спиртті йод ерітіндісінде суландырылған мақта шаригімен, сосын тері антисептигіне спиртке ылғалдатылған мақта шаригімен 2 рет тазартыңыз. 9. Жұмсақ тіндерге қабаттау инфильтрациялық анестезиясын (жансыздандыруды) 2% новокаин ерітіндісімен 2 мл дейін ІІІ –ІV қабырға аралық деңгейде төс сүйегінің ортасына жүргізіңіз. 10. Кассирский пункциялық инесіне шектелетін қалқаншаны ине ұшынан 13-15 мм қондырып, сосын залалсыздандырылған шприцті дәрігерге беріңіз. 11. Дәрігер төс сүйектің сыртқы пластинкасын теседі. Оның қолы иненің ойыққа түсіп кеткенін сезеді, мандренің шығарып, инеге 20 мл шприцті жалғастырып, оған 0,5-1 мл сүйек миын сорып алып, заттық әйнекке құяды. 12. Заттық әйнекті кептіріңіз. 13. Инені алған соң тесілген жерді 5% спиртті йод ерітіндісімен немесе тері антисептигімен өңдеңіз, залалсыздандырылған таңғышты салып, лейкопластырьмен бекітіңіз. 14. Қолғапты шешіңіз. 15. Қолданған қолғаптарды, шприцтерді және мақта шариктерін қауіпсіз жинауға және жоюға арналған контейнерге салыңыз. 16. Қолыңызды сабындап жуып, құрғатыңыз. 17. Науқасты палатаға апарыңыз. 18. Материал кепкеннен кейін заттық әйнектерді жолдамамен лабороторияға апарыңыз. Ескерту: Кассирский инесі – бұл қысқа қалың қабырғалы ине мандреннен және қалқаншадан тұрады. Ол иненің өте терең төс сүйегіне енуінен сақтайды. жүктеу/скачать 1,18 Mb. Достарыңызбен бөлісу:
|