Бағдарлау Диагностикалық Аналитикалық Болжамдық Ата – аналарды ақпараттандыру
Бағдарлау кезеңі
Бірінші кезеңнің міндеттері:
анамнестикалық деректерді жинау;
ата-аналардың сұранысын анықтау;
баланың жеке-типологиялық ерекшеліктері туралы алдын ала деректерді анықтау.
Атқарылатын қызмет түрлері:
Медициналық және педагогикалық құжаттаманы зерттеу. Тексеруді медициналық және педагогикалық құжаттамамен танысудан бастаған дұрыс. Әдетте, қажетті құжаттардың тізімі және көлемі баланың денсаулығының сипатына байланысты болуы мүмкін.
Баланың жұмысын зерттеу. Баланың суреттері немесе шығармашылық қолөнері оның бейімділігін, мотор-графикалық дағдылардың қалыптасу деңгейін сипаттайды.
Ата-аналармен әңгіме. Әңгімелесуді баланың тікелей ата-аналарымен (анасымен және/немесе әкесімен) немесе заңнамаға сәйкес оларды алмастыратын адамдармен жүргізген дұрыс. Ең алдымен, ата-аналармен байланыс орнату керек. Сөйлесуді ата-аналардың сұранысын немесе шағымдарын анықтаудан бастаған дұрыс. Сауалнама нәтижесінде ата-аналар баланың дамуының нақты толық бейнесін алуы керек.
