М. А. Молдашева
ЕСЕП БЕРУШІ ТҰЛҒАЛАРМЕН ЕСЕП
жүктеу/скачать 1,44 Mb. Pdf көрінісі
|
Молдашева
| 6.4. ЕСЕП БЕРУШІ ТҰЛҒАЛАРМЕН ЕСЕП
АЙЫРЫСУДЫҢ ЕСЕБІ Есепті тұлғалар болып кассадан шаруашылық, іссапар шығыс- тары мен материалдар сатып алу үшін қолма-қол ақшаны алдын- ала алған кәсіпорынның қызметкерлері саналады. Кассадан шаруа- шылық және басқа шығыстарға қолма-қол ақша алуға құқылы лауа- зымдар мен тұлғалардың тізімін кәсіпорынның басшысы бекітеді, ал іссапарларға қаражаттар оның бұйрығы негізінде беріледі. Қызмет іссапары болып тұрақты жұмысынан тыс қызмет тапсырмасын орындау үшін ұйым басшысының ұйғарымы бойынша қызметкердің сапары саналады. Іссапарына берілетін соманың мөлшері іссапардың мерзімі және оның тағайындалу орнымен шектеледі, өйткені сапардың екі жағына жолақы, іссапардағы тәуліктік және пәтер ақылар төлеуге жатады. Қызмет іссапарларының тәртібі мен жағдайлары ҚР-сы Үкіметінің қаулысымен белгіленеді. Есепті тұлғалармен есеп айырысу №1250 «Қызметкерлердің қысқа мерзімді дебиторлық берешегі» шотында жүргізіледі. Есепті тұлғаның кәсіпорын алдындағы қарызы іссапармен алынатын сомалар бойынша есеп беру мерзімдерімен өтіп кетпегенше әдеттегіше болып есептеледі. Бұл қарыз №1250 шоттың дебеті, ал оның жойылуы кредит бойынша бейнеленеді. Егер барлық алынған ақша жұмсалмаған жағдайда, олардың сол бөлігі кәсіпорынның кассасына қайтарылады, бұл №1010 шоттың дебеті мен №1250 шоттың кредиті бойынша көрсетіледі. Егер ақшалар артық жұмсалса және 77 ол шығыстар құжаттар арқылы дәлелденіп, кәсіпорынның басшысымен бекітілсе, онда кассадан қосымша ақша беріледі. Қалай болған жағдайда есепті тұлға оған барлық шығын- дарды дәлелдейтін құжаттар (көліктерге билеттер, қонақ үйлер мен дүкендердің шоттары және т.б.) қоса тігілген аванстық есеп жасайды. Егер есепті тұлғалардың саны көп болса, онда арнайы ведомостваларда олардың аналитикалық есебін жүргізу мүмкін. ДТ 1250 КТ 1010 – Кассадан есеп беруге тиісті адамға берілген аванс сомасы. ДТ 1010 КТ 1250 – Есеп беруге тиісті адамның кәсіпорын сомасына алынған аванс қалдығын өткізу. ДТ 1310, 2410 КТ 1250 – Есеп беруге тиісті адам есебінен сатылып алынған қор және негізгі құралдардың кіріске алынуы. ДТ 3350 КТ 1250 – Есепті соманың жетпей қалған мөлшерінің дебиторлық жалақысынан ұсталынуы. Жинақтау есебі "Жұмысшылар мен басқа да тұлғалардың борышы" деп аталатын шотының кредиті бойынша №7 — Журнал-ордерде жүргізіледі. жүктеу/скачать 1,44 Mb. Достарыңызбен бөлісу:
|