Курсты оқыту барысында:
Студенттер қазақ тіл білімі салаларынан алған білімдерін, тілдің сөздік құрамын, дыбыс жүйесін, сөзге түсетін екпін түрлерін, сөйлеу интонациясын және сөздің мағынасы жөніндегі білімдерін жетілдіреді.
Шығарманың түрін, жанрын, композициясын түсініп, лингвистикалық талдауды әдеби талдаумен ұштастырады.
Мәтінді дұрыс мазмұндауға үйренеді. Мәтінді мәнерлеп оқуға дағдыланады.
Көркемдегіш тілдік құралдарды пайдаланудағы автордың жеке өзіндік қолданыс ерекшелігін таниды.
Прозалық және поэзиялық шығармалардан алынған үзіндіні мазмұндап, мәтінге тілдік-стилистикалық талдау жасайды.
Пайдаланылатын әдебиеттер:
1. Қапасова, Б.Қ. Тіл мәдениеті. Шешендік өнер: Оқулық.- Алматы: ЖШС РПБК "Дәуір", 2014.- 224 б
2. Өмірбаева К.О. Көркем мәтінді лингвистикалық талдау әдістемесі. Педагогика институты
студенттеріне арналған оқу-әдістемелік құралы. Қ. Жұбанов атындағы Ақтөбе өңірлік мемлекеттік университеті, - 2016, 131 б.
3. Зейнулина, А.Ф. Сөз табиғаты: Оқулық / А.Ф. Зейнулина, Т.Қ. Қасенова.- Алматы: "Отан" баспасы, 2015.- 339 б.
Білімді бекіту, меңгерту сұрақтары:
Курстың мамандыққа бейімделуі туралы айтыңыз.
Курстың мақсат- міндеттері.
Көркем мәтінді тілдік талдау әдістемесінен студенттердің құзыреттілігінің қалыптасуы.
Көркем мәтінді тілдік талдау әдістемесінен студенттердің білім, білік, дағдыларының қалыптасуы.
Дәріс-2. Бастауыш сыныптарда көркем шығармаға талдау жасаудың ғылыми негіздері
2.1.Мәтінді тілдік талдау технологиясының ғылыми негіздері.
2.2.Пәннің басқа ғылымдар арасында алатын орны.
2.3.Принциптері (пәннің өзіндік), зерттеу әдістері.
Бұл бөлімде қазіргі мәтінді лингвистикалық талдау бойынша еңбектер, қарастырылған мәселелер, оның ішінде А.Байтұрсынұлы, Қ.Жұбанов,
С.Аманжоловтың мәтін зерттеулеріндегі бастаулары және Г.Қордабаев, Р.Сыздық еңбектері бойынша күрделі синтаксистік тұтастық - арнайы зерттеу нысаны қамтылған.
Достарыңызбен бөлісу: |
