Мағжан Жұмабаев. Педагогика
Педагогикаға жәрдемші пәндер
жүктеу/скачать 63,07 Kb.
|
Педагогика
- Бұл бет үшін навигация:
- Педагогика бөлімдері
Педагогикаға жәрдемші пәндерПедагогика адамның денесін, һәм жанын дұрыс тәрбие қылу жолдарын ізденетін пән болғандықтан, педагогика пәнімен дұрыс пайдалана білу үшін, екінші түрлі айтқанда, адамды дұрыс тәрбие қыла білу үшін адамның денесі, һәм жанының жайын кеңес қылатын басқа пәндермен таныс болуға тиісті. Бұл пәндер төмендегілер. Дене туралы пәндер: Анатомия. Адам денесінің құрылысын баяндайды (Денеде қандай мүше бар, жаратылысы қандай). Физиология. Адам денесінде болатын көріністерді баяндайды (тұру, жүру, демалу сықылды). Гигиена. Саулықты сақтау пәні. Гимнастика. Саулықты бекіту үшін түрлі дене қозғалысы туралы. Жан туралы пәндер: Психология. Адамның жанының жайын, жан тұрмысын, жан көріністерін, жан күштерін, ақыл-ойдың жайын баяндайтын пән. Логика. Дұрыс ойлау жолдарын көрсететін пән. Этика. Құлық туралы пән. Яғни адамшылық не? Осыны баяндайды. Педагогикаға тағы бір керекті пән Педагогика тарихы. Түрлі заманда түрлі тәрбиеге адамзат қалай қараған, қандай жолдармен жүрген, тәрбие дүниесінде қандай білімпаздар өткен, олар қандай жаңа жолдар тапқан. Міне, педагогика тарихы осыларды баяндайды. Педагогика бөлімдеріПедагогика пәні беске бөлінеді: Жалпы педагогика. Адамның дене, һәм жан күштерін, тәрбие жолдарын көрсетеді. Дидактика. Оқытудың негізгі жолдарын керсетеді. Методика. Оқытудың негізгі жолдарына негіздеп белгілі бір пәнді қалай оқыту жолын көрсетеді. Мысалы, мектепте қазақ тілін қай жолмен оқыту керек екендігін үйрететін пән қазақ тілінің методикасы деп аталады. Мектепті басқару. Бұл пән мектеп қалай салынуға, қалай ұсталуға тиісті, сыныптарға шәкірттерді қалай бөлу керек, оқу пәнін қалай белгілеу керек, міне, осылар сықылды мектеп құрылысы жұмыстарын көрсетеді. Педагогика тарихы. Бұл пәннің не нәрсені кеңес қылатындығы жоғарыда айтылды. жүктеу/скачать 63,07 Kb. Достарыңызбен бөлісу:
|