Тақырып 1. Макроэкономика пәні мен әдістері

1.Макроэкономика пәні

2.Макроэкономикалық талдаудың әдістері.

3.Макроэкономикалық модельдер

4.Айналым ағындарының моделі
Макроэкономика – бұл экономика ғылымының бір бөлігі ретінде тұрақты экономикалық өсу, ресурстардың толық қамтылуы,инфляция деңгейін төмендету және төлем балансының тепе-теңдігін қамтамасыз ету тұрғысынан жалпы экономиканың іс-әрекетін біртұтас жүйе ретінде зерттейтін пән.

Макроэкономика ғылымы 30 - жылдары пайда болған және оның негізін Джон Майнерд Кейнс (1883-1946) өзінің “жұмысбастылық, пайыз және ақшаның жалпы теориясы” кітабында құрды.

Макроэкономиканың қарастыратын мәселелері:

1.Ұлттық табыс деңгейі (ЖҰӨ,ЖІӨ)

2.Жұмыспен қамту және жұмыссыздық

3.Баға деңгейі және инфляция

4.Экономикалық цикл динамикасы

5.Экономикалық өсу

6.Елдің макроэкномикалық саясаттары:үкіметінің жүргізетін бюджет салық саясаты, ұлттық банкінің жүргізген ақша-несие саясаты, валюта саяасаты,сауда саясаты және т.б.

2) Макроэкономикалық модельдер – бұл әртүрлі экономикалық құбылыстар мен процесстерді олардың арасындағы байланыстарды ашып бейнелеу және суреттеу.Кез-келген модель (логикалық,графикалық,алгебралық) зерттеу кезінде нақтылы өмірдегі жағдайды дәлме-дәл бейнелей алмайды,бірақ осы модельдер арқылы айнымалыларды бөліп қарастырамыз.