Мақсатқа сәйкес оқу пәнін оқытудың негізгі міндеттері
жүктеу/скачать 19,74 Kb.
|
түсінік хат 11 сынып
- Бұл бет үшін навигация:
- Пәні Тілі сынып
|
Түсінік хат Қазақстан Республикасы Үкіметінің 2012 жылғы 23 тамыздағы № 1080 қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына сәйкес әзірленген. Физика курсын оқу мақсаты - білім алушылардың ғылыми дүиетанымдық негіздерін, әлемнің жаратылыстанымдық-ғылыми бейнесін тұтастай қабылдауын, өмірде маңызды практикалық мәселелерді шешуде табиғат құбылыстарын бақылау, жазу, талдау қабілеттерін қалыптастыру. Мақсатқа сәйкес оқу пәнін оқытудың негізгі міндеттері: білім алушылардың әлемнің заманауи физикалық бейнесінің негізінде жатқан заңдылықтар мен принциптер туралы іргелі білімді, табиғатты танудың ғылыми әдістерді меңгеруіне ықпал ету; білім алушылардың интеллектуалдық, ақпараттық, коммуникативтік және рефлективтік мәдениетін дамытуға, физикалық экспериментті және зерттеу жұмыстарын орындау дағдыларын қалыптастыру; оқу және зерттеу қызметіне жауапкершілікпен қарауға тәрбиелеу; меңгерген дағдыларды табиғат ресурстарын пайдалану мен қоршаған ортаны қорғауда, қоғам мен адам өмірінің қауіпсіздігін қамтамасыз етуде қолдану. «Физика» оқу пәні бойынша оқу жүктемесінің көлемі: Жаратылыстану-математикалық бағыттағы 11 -сыныпта – аптасына 4 сағатты, оқу жылында 136 сағатты; 11 сыныпқа арналған жаңартылған мазмұндағы бағдарлама 10 бөлімнен тұрады: 11-сынып «Физика» оқу пәнінің базалық мазмұны: механикалық тербелістер; гармоникалық тербелістердің теңдеулері мен графиктері; электромагниттік тербелістер; еркін және мәжбүрлі электромагниттік тербелістер; механикалық және электромагниттік тербелістер арасындағы ұқсастықтар; айнымалы ток; электромагниттік толқындар, оптика; салыстырмалылық теориясының элементтері; Атомдық және кванттық физика; нанотехнологиялар мен наноматериалдар; космология. Зертханалық жұмыс № 1. Трансформатор орамаларындағы орамдардың санын анықтау. Зертханалық жұмыс № 2. Ауадағы дыбыс жылдамдығын анықтау. Зертханалық жұмыс № 3. Дифракциялық тордың көмегімен жарық толқынының ұзындығын анықтау. Зертханалық жұмыс № 4. Жарық интерференциясын, дифракциясын және поляризациясын бақылау. Зертханалық жұмыс № 5. Шынының сыну көрсеткішін анықтау. Зертханалық жұмыс № 6. Сәуле шығарудың тұтас және сызықты спектрлерін бақылау. Зертханалық жұмыс № 7. Зарядталған бөлшектердің тректерін дайын фотосуреттер бойынша зерттеу. 11-сыныпта ЖМБ 7 зертханалық және 6 практикалық жұмыс жүргізу қарастырылған. Физика бойынша 10-11-сыныптарда зертханалық және практикалық жұмыстардың саны Оқу мақсаты мен 2 сағаттық апталық жүктеме аясында оқылатын тақырыптарға байланысты азаяды.
жүктеу/скачать 19,74 Kb. Достарыңызбен бөлісу:
| ||||||||||||||||||||||||||||||||