Металдың бергіштік шегі - металдан жфасалған үлгіге оның қирауы алдында әсер ететін барынша үлкен күштің сол үлгінің бастапқы көлденең қимасына қатынасымен өрнектелетін шартты кернеу. Металдың макроқұрылымы- металдың жай көзге немесе лупа арқылы көрінетін құрылымы. Металдың макроқұрылымын байқау үшін заттың жалтыратылып немесе қышқылмен күйдіріліп тазартылған сынама үлгісі пайдаланылады. Металдың макроқұрылымын зерттеу нәтижесінде бұйымның ақаулары, бөгде қоспалардың орналасу ерекшеліетері, кристалл дәндерінің пішіні т. б. деректер алынады. Бұл деректер металдарды құю технологиясын жетілдіруф сыртқы әсерлердің металдың қасиеттеріне тигізетін салдарын анықтауға т. б. мәселелерді шешуге пайдаланылады.
