Дәстүрлі қазақ мәдениеті. Халық ауыз әдебиеті мен музыка Дәстүрлі саз –халықтық көркемдік шығармашылықтың бір бөлігі. Қазақтың дәстүрлі саз және материалдық мәдениетінде халықтық саз аспаптары ерекше орын алады. Оларға: домбыра, қобыз, сыбызғы, ысқырақ, қос сарнай, саз сарнай, керей, шертер, даңғара, қоңырау және басқалар жатады. Өткен уақыттағы дәстүрлі саздық тұрмыста әсіресе, қазақтардың көшпелі ортасында қурайдан дайындалған сыбызғы аспабы айрықша әуенмен жұртшылықты жаулап алды. Сыбызғы сөзі “сып” сыбыр, “ыз” ызылдау дегенді білдіреді. Сыбызғы жазғы жайылымда, тойларда, сәби дүниеге келгенде (шілдехана тойында), құрметті қонақ келген де құдіретті үн-ырғағымен, сазды әуенімен ойналғанда ерекшелінеді. Халық арасына аса кең тараған екі шекті аспаптардың ішінен қылқобызды атауға болады. Қылқобыз туралы XVIII-XIX ғ.ғ. “Қорқыт ата” кітабында мәліметтерберілген. “Қыл” сөзі жылқының “жалын” білдіреді. Қылқобыз бақсылар мен халық емшілерінің негізгі аспаптары болды.
Достарыңызбен бөлісу: |
