Методические рекомендации по формированию казахстанского патриотизма обучающихся организации образования через программу «ТУҒан жер»
жүктеу/скачать 2,77 Mb. Pdf көрінісі
|
| 2.6. Мектеп әкімшілігі арқылы патриоттық тәрбие беру
Мектеп әкімшілігі білім алушыларға патриоттық тәрбие беруді кешенді түрде жүргізуі тиіс.Балалардың отаншылдық сезіміне күнделікті қозғау салатын дәстүр мектеп қабырғасында қалыптасуын қалаймыз. Тарыдай болып кіретін, таудай болып шығатын балалар оқушылық өмірінде отаншылдық сезімінің шуағына мейлінше шомылғаны дұрыс. Осы мақсатта бірнеше шараларды қабылдауды ұсынамыз. «Өлке мақтанышы» атты портреттер галериясын орнату. Мектеп әкімшілігі қолға алатын жұмыстардың бірі «Өлке мақтанышы» атты портреттер галериясын орнату. Мектептің ауласына, дәлізіне немесе оқу кабинеттеріне еңбегімен белгілі жерлестерінің портреттер галериясын орнатудың маңызы зор. Портреттердің астына қысқаша өмірбаяны жазылса нұр үстіне нұр болмақ. Бұл жазбалардан тест тапсырмалары, сауалнамалар, хронологиялық кесте т.б. бақылау түрлері әзірленіп, тоқсан сайын мектепішілік байқау жүргізгені дұрыс. Осындай жұмыстар арқылы оқушылар жерлес патриоттарының жетістігін біліп, ұқсап бағуға тырысады. Мектепте өлкетану музейін ұйымдастыру. Егер де елді мекенде музей болмаған жағдайда жергілікті халықтың көмегімен мектепте өлкетану бұрышын ашуға болады. Өлкетану бұрышына жәдігерлер жинау жұмысына ата-аналарды да тартуға болады. Егер отбасы мүшелері отбасылық жәдігерлердің тарихына қызығушылық танытып, қадірлеп сақтай білсе, жас буынның рухани-адамгершілік дамуында отбасылық жәдігерлер мен құндылықтар ұрпақтар сабақтастығын сақтап қалуда зор үлес атқарады. Отбасылық жәдігер дегеніміз – екі немесе одан да көп ұрпақта қолданыста болған нәрсе. Яғни, кез келген отбасы өмірінің куәгері, жақындары мен туыстарынан қалған естелік. Әр отбасыда ұрпақтан ұрпаққа қалдырылған жәдігер бар екені де мәлім. Кейбір отбасылар ескі фотосуреттер, зергерлік бұйымдар, көне ыдыстар, кітаптар және т.б хаттарды жәдігерге жатқызады. Солармен қатар, естелік үшін жазылған күнделіктер немесе мемуарлар, кейде отбасыларға байланысты қызықты оқиғаларда жатады. Мектеп – ата-ана – білім алушылар бірлестігі арқасында музейде өлкетанулық қоржындар жасауға болады. Бұл мақсатты мектепішілік «Отбасылық жәдігер» жинау акциясын жүргізу арқылы орындай аламыз. Акцияның мақсаты өлкеге қатысты тарихи маңызы бар экспонаттарды ата- аналар мен білім алушылардың мектеп музейіне тапсыруды ұйымдастыру. Оқушылардың атсалысуымен отбасылық жәдігерлерді жинап, мектеп музейінен «Менің туған ауылымның тарихы» атты бұрыш ашу үшін кезең- кезеңмен кешенді жұмыс атқаруды қажет етеді. 1. Тақырып бойынша мектепішілік сауалнама жүргізу; 66 – Еске түсіріңіз, сіздің отбасыңызда қасиетті зат бар шығар? – Отбасыларыңда қандай құндылықтар, естеліктер бар? – Ол отбасыда неліктен құнды жәдігер саналады? – Отбасылық жәдігерді мектеп музейіне тапсыруға дайынсың ба? 2. Тапсырмалар беру. – Отбасылық жәдігер туралы мәліметтер дайындап әкелу. – «Отбасылық жәдігерлер альбомын» жасау. – Жәдігерге этикет және аннотация жасау. 3. Жинақталған жәдігерлерді, деректерді жүйелеу өлкетану бұрышын жасау. – Барлық табылған заттар туралы мәліметтерді жинақтап, отбасылық жәдігерлер альбомын құрастыру. Жиналған экспонаттарды музейдегі өлкетану сабақтарында сабақта қолданамыз. Осы экспонатты тапсырған оқушының ата-анасына немесе оқушының өзіне тарихын әңгімелеп айтып беруді ұсына аламыз. жүктеу/скачать 2,77 Mb. Достарыңызбен бөлісу:
|