Биологиялық сынау. Органдар мен ұлпалардан дайындалған 0,3-
0,5 мл мөлшердегі суспензияны 16-18 г салмақтағы немесе 5-6 күндік ақ
тышқандардың тері астына немесе құрсақ қуысына жұқтырады.
Жұқтырылған материалдың құрамында листериялар болса, 5-6 күндік ақ
тышқандар 18-36 сағаттан соң өледі. Ересек тышқандарды 14 тәулік
бойы бақылауға алады. Өлген тышқандардың ішкі органдарынан
қоректік орталарға себеді және жағынды жасайды. Листерияларды
шошқа тілмесінің қоздырғышынан ажырату үшін конъюнктивальды
және тері сынамасы қойылады.
Конъюнктивальды сынау қою үшін теңіз
шошқасы көзінің конъюнктивасына тәуліктік өсіндіні тамызады.
Листериялар 2-4 күннен соң іріңді конъюнктивитті (және
кератоконъюнктивит) қоздырады.
Тері сынауын үй қоянының немесе
теңіз шошқасының бүйір терісінің ішіне 0,3-0,5 мл тәуліктік өсіндіні
егеді. Листериялар 1-2 тәуліктен соң теріні некрозға ұшыратады.
