ТЖ
1. «Оқиға картасы» әдісі бойынша топтағы оқушылар әдеби шығарманы оқып, бір-біріне мазмұнын түсіндіріп және шығарманың сюжетін сурет бойынша рет-ретімен орналастыра айтып береді.
Егіннің бастары
Бір адам жас баласын жанына алды,
Екеуі сайран етіп кетіп қалды.
Қыдырып әрлі-берлі жүрді-дағы,
Егінші егін еккен жерге барды.
Аралап әр егінді қарап жүрді,
Кез еді пісіп болған егін түрлі.
Бастарын дәнге толған егін түрлі,
Бидайлар бейне тағзым етіп тұрды.
Жалғыз-ақ бір бидай тұр көкке қарап,
Бейне бір жалғыз өзін көпке балап.
Баланың сол бидайға көзі түсіп,
Білмекке кетті көңілі жөнін сұрап.
Құбылып бидайлар тұр басын салып,
Жіберген мырза Құдай нұрға қанып.
«Әй, әке, мұның мәнін түсіндірші,
Бір іске тұрмын өзім қайран қалып.
Бұл бидай көтеріп тұр басын көкке,
Қарайды шекірейіп өзі көпке.
Өзіне өзгелерді теңгермейтін,
Соншама бұл бидайдың дәні көп пе?»
«Айтайын мұның мәнін, балам, саған:
Шырағым, түрін көріп таңданба оған.
Өзгесі төмен қарап бүгілгенде,
Ойлама кем екен деп бәрі сонан».
Және де әкесі айтты баласына:
«Сұқтанба құр сорайған қарасына.
Құдайым өзгесіне дән бергенде,
Бұл бидай дәнсіз қапты арасында»
Бидайлар басы толық иіліп тұр,
Дән берген қожасына сиынып тұр.
Басында бұл бидайдың дәні болмай,
Кекірейіп, көкке қарап бүлініп тұр.
«Елде көп бұл бидайдай адам дейді,
Тәкаппар , оны халық жаман дейді.
Қалпы емес тәкаппарлық данышпанның,
Тұтынба бұл мінезді, балам» дейді.
Әке жауабы
Әке мен баланың егін алқабына баруы
Бидайлардың сипаты
Баланың әкесіне сауалы
Әке өсиеті. Тәкаппарлық туралы түйінді ой
Бағалау критерийі
Шығарма мазмұнын түсінеді.
Сюжеттік дамуын сипаттайды.
Дескриптор
Шығарма мазмұнын сұрақтар қойып түсіндіреді
Шығарма сюжетін сурет бойынша орналастырып, дамуын сипаттайды.
ТЖ
2. «Салыстыру кестесі» әдісін пайдалана отырып, осыған дейін өткен өлеңмен салыстырады.
(Д.Бабатайұлы «О, Ақтан жас, Ақтан жас»)
Салыстыру аймағы
|
Өлең
|
Мысал
|
Мақсаты
|
Жарқын болашаққа жетелеу
|
Тәкаппарлықтан арылып, адамгершілікке тәрбиелеу
|
Кейіпкерлері
|
Дулат Бабатайұлы, Ақтан
|
Әке, бала, бидай
|
Кейіпкерлердің сөйлеу формасы
|
Ақыл, өсиет
|
Диалог
|
Ойды жеткізу
|
Жетімдік
|
Жақсы мінез қадірің
Өз мінезің – өз қадірің
|
ҚБ
«Басбармақ» әдісі арқылы топтар бір-бірін бағалайды.
Саралау тапсырмасы
Ж 3-тапсырма
«Егіннің бастары» өлеңін композициялық құрылысына талдаңыз.
Композиция
|
Басталуы
|
|
Дамуы
|
|
Шиеленісуі
|
|
Шарықтау шегі
|
|
Шешімі
|
|
Саралау жұмысы
А деңгейіндегі оқушыларға кесте дайын күйінде қима қағаздар арқылы беріледі. Композициялық құрылысын сәйкестендіреді.
В деңгейіндегі оқушыларға тірек сөздер ұсынамын.
С деңгейіндегі оқушыларды сұрақ қою арқылы жетелеймін. Кестені өз бетінше толтыру арқылы композициялық құрылысына талдау жасайды.
ҚБ. «Бағдаршам» әдісі арқылы.
| 
