| Малшылардың еңбек құралдары. Мал шаруашылығы үшін қолданылатын қамшыларды екінің бірі жасай алмады, оны арнайы сол жұмыспен айналысатын өрімші ғана жасады. Қамшының екі түрі болған: 3-4 өрімнен өрілетін шыбыртқы қамшы және 4-тен көп өрімнен өрілетін дойыр қамшы. Дойыр қамшы өрімдерінің саны кей кезде 24-ке дейін жеткен. Шыбыртқы қамшы ат үстінде жүрген кезде қолданылса, дойыр қамшы аң аулаған кезде қолданылды. Дойырдың басы қатты келген, онымен аңдарды ұрғанда қабырғасын сындырып жіберген.
Сонымен қатар малшы қазақтар бишікті қолданды. Бишіктің сабы қысқа, ал жібі ұзын келеді. Жібі қайыстан жасалады, ол мықты, әрі өрілген болуы керек. Кей жерлерде сап-таяқтың орнына маралдың білек сүйегінен жасалған сап қолданылады.
Достарыңызбен бөлісу: |
