Шіркін, бақыт!
http://www.adebiet.kz/index.php?option=com_content&task=view&id=1907&Itemid=23
Байлық! Байлық!
Тіршілік кемесінде
Төніп келген апатқа бөгесін не?!
Қыз Жібек пен Баянның махаббатын
Әлде сатып алам деп сенесің бе?
Шіркін, бақыт!
Шынында, қимайсың ба?
Шыбын жанды бекерге қинайсың да!
Алдаймын деп ажалды пара беріп,
Алтын менен күмісті жинайсың ба?!
Байлық! Байлық!
Тіршілік кемесінде
Төніп келген апатқа бөгесін не?!
Қыз Жібек пен Баянның махаббатын
Әлде сатып алам деп сенесің бе?
Қомағайлық жараспас тәртіпті елде.
Қоғам мүлкін үйіңе қарпып келме!
Артық бөлме сұрайсың,
Ағайын-ау,
Артық ақыл қосама артық бөлме?
Дақ түсірген арымыз,
Денемізге
Дәулет сонша керекті неге бізге?!
Мың сомың да тұрады бір сомыңнан.
Бір сом үшін
Немене -
Өлеміз бе!
Арманына дарынды жетсе бала,
Халық үшін қайғырып өтсе дана,
Болмайды ма?!
...Байлықты сыйлаймын мен
Кедейлікке қызмет етсе ғана!
Достарыңызбен бөлісу: |
