Пәннің мақсаты мен міндеттері Пәннің мақсаты: Философияны оқытудың басты мақсаты:
Болашақ мамандардың қазіргі күрделі әрі динамикалық дүние жағдайындағы дұрыс дүниетанымдық бағдарларын қалыптастыруға жәрдемдесу.
Міндеттері:
Философиялық ой кешудің тарихи типтерін мәдениет контекстінде талдау;
Болашақ мамандардың филдософиялық-дүниетанымдық және методологиялық мәдениетін қалыптастыру;
Пән мазмұнын студентттердің оған деген қызығуын тойтаратын бұрынғы идеологиялық жүктемеден, догматикалық штапмтар мен клишелерден азат ету.
Құзыреттері (оқытудың нәтижелері): Философия – бұл адам болмысының іргелі принциптері мен негіздері туралы, адамның табиғатқа, қоғамға және барлық негізгі көріністерінде алынғандағы рухани өмірге қарым-қатынасының ең жалпы мәнді сипаттары туралы білімдер жүйесін қаузайтын дүниені танудың айрықша формасы.
Тұлғааралық: Философия әртүрлі мәдени-рухани позицияларды өзара әрекеттесу процесінде келісімдік, консенсустік стратегияны жасауға үлес қосады. Ол қоғамдық жүйенің тұрақты да орнықты формасының мәдени үлгісін, ұлттық қауіпсіздікке және мәдени бірегейліктің таңдап алынған үлгілеріне қатер төндіретін деструктивтік әрекеттерге қарсы тұрудың стратегиясын жасақтауға қатынасады.
Жүйелік:Философия рухани өндірістің, оның басқа формаларына (дін, ғылым, өнер, мораль) сайылмайтын ерекше формасы. Философия дүниені практикалық және рухани игерудің нәтижелерін, қоғамдық өмірдің мәдени-әлеуметтік дамуының, мәдени сәйкестікті анықтау мен іздеудің мүмкін болар стратегиялары мен таңдау жолдарын ұсына отырып синтездейді және жалпылайды.
Пререквизиттері:Мәдениеттану, Этика және Эстетика,
Постреквизиттері: Дінтану негіздері, Логика
