ІІІ бөлім – Сенсориканы дамытатын ойындар

Танымдық қызметті түзету бағдарламасы интеллектісі бұзылған балалардың психлогиялық дамуының ерекшелігін есепке ала отырып құрылған. Оның негізінде ақыл-ойы дамымаған балаларды түзете-дамыта оқытудың бағдарламалық-әдістемелік материалдардың талаптарына қарай анықталатын білім, икемділік пен дағдыларды меңгеруге қойылатын талаптар жатыр.

Танымдық қызметті түзетудің үлгілік тақырыптық жоспарына сәйкес тараулары және сан алуан ойындары бар төрт бөлім ендірілген. Жоспардың мазмұны әрбір тоқсанның басында жоғарыда көрсетілген дамыту ойындары, тапсырмалары, жаттығулары, жағдаяттары, этюдтары және т.б. көмегімен балалардың психологиялық дамуын психологиялық түзету және психологиялық диагностикалауды жүргізе отырып, төрт тоқсан бойынша дәйектілікпен іс-жүзіне асыруға болады.

Осы бағдарламаны іс-жүзіне асыруда білім беру ұйымдарының педагогтары мен психологтарының белгілі бір жас шамасына қарай құрылған топқа арналған жалпы жоспар және сондай-ақ нақты оқушыға арналған жоспарда берілген күтілетін нәтижеге бағдарлауларының маңызы зор. Бұл оқушылардың танымдық қызметін түзетуді берілген санаттағы балалардың жеке-жас шамасы ерекшеліктерін есепке ала отырып жіктеле және мақсатты бағыттала жүргізуге, сонымен бірге балалармен жүргізілетін жалпы диагностикалық-түзету жұмысының болашағын бақылауға мүмкіндік береді. Күтілген нәтижелер балаларды оңалту проблемаларын шешуде, танымдық оқу қызметінің түзетудің саймасай әдістерін іздестіруде педагогтарға, психологтарға және ата-аналарға өзара шұғыл іс-әрекет жасауға мүмкіндік береді. Күтілген нәтижені тұжырымдау берілген білім беру ұйым түрінің талаптарын есепке ала отырып, түзету бағдарламасына қойылған мақсаттар мен міндеттерге тәуелді болады.

Таным қызметін түзету бағдарламасын құруда Т.В.Башаева, З.М.Богуславская және Е.О.Смирнова,Л.А.Венгер, А.А.Катаева және Е.А.Стребелева, Н.В. Самоукина, Н.В.Клюева, Ю.В.Касаткина, Ю.В. Филиппова, Л.Ф.Тихомирова, Л.М.Шипицына, А.Ф.Ануфриева және С.Н.Костромина, С.А.Ұзақбаева және А.К.Айтпаева, М.И. Чистякова, Х.Т.Шерьязданова және Г.М.Касымова және т.б. зерттеулерінде сипаттаған жалпыға белгілі ойындар пайдаланылды. Ұсынылған ойындар ойын атрибуттарына, сонымен бірге дайындық сынып оқушыларының санына қарай басқаларымен де толықтырылуы мүмкін.

Көмекші мектептің оқушыларының танымдық аясын ойынмен түзету жұмысы, олардың жеке-жас шамасына қарай ерекшеліктерді есепке ала отырып, дәйектілікпен жүргізілсе, өте жағымды әсер етеді. Осыған байланысты біз көмекші мектептің 5-9 сыныптарының оқушыларының оқу-тәрбие үдерісіне танымдық аясын ойынмен түзету бағдарламасын ендіруді жөн көрдік.

Танымдық қызметті түзету бағдарламасы аптасына 1 сағаттан, барлығы 34 сағатқа берілген.