аудандық «Арайлап атсын әр таңым» шығармашылық байқауы,
І- орын
Салиқатова Шалқыма - аудандық «Бірлігіміз жарасқан хахалықпыз» шығармалар байқауы
ІІІ-орын
Жұмағалиева
Ақерке –
Аудандық 3 сынып оқушыларына арналған «Жас дарын» ғылыми жарысында
ІІ-орын
Салиқатова Шалқыма –
«Ақ бота-2012» интеллектуалдық марафоны,
ІІ-орын
Избанова Данагүл –
«Кенгуру-математика для всех» -2013
байқауына белсене қатысқаны үшін сертификат
Медресова Нұрайна –
«Елімнің тағдыры – менің тағдырым!» атты аудандық «Гүлдер әлемі» фестивалінде «Қыз – елдің көркі, гүл – жердің көркі» номинациясы бойынша
ІІІ-орын
Меңдіханова Ақерке –
ҮІІ аудандық «Жас эрудит» байқауында «Алтын қол» номинациясы
«Қыран» тобы - аудандық «Арайлап атсын әр таңым» шығармашылық байқауында «Үздік қолөнер шеберлігі» номинациясы
Медресова Нұрайна -
Аудандық «Intel-Logic -2013»
логикондар, логикалық есептер, софизмдер шешу
Интеллектуалды турнирінде
жүлделі І орын
Салиқатова Шалқыма –
Аудандық «Intel-junior-I-2014»
олимпиадасында
жүлделі ІІІ орын
Медресова Нұрайна –
І орын
Хайруллина Назерке –
ІІІ орын
Аудандық математикалық олимпиада
Кіріспе сөз:
Бұл оқу тамақ болар қарны ашқанда,
Жол табар қараңғыда адасқанда.
Мал озбас біле білсең білім озар,
Ақыры керек болар бір сасқанда – деп Міржақып ақын айтпақшы, тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізілгелі отырған « Қош бол, бастауыш сыныбым!» мерекесін бастауға рұқсат етіңіздер!
Қош келіпсіздер , құрметті ата – аналар, қымбатты әріптестер, оқушылар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр.
Осы қуанышты да қайталанбас күндеріңізбен шын жүректен құттықтаймын.
Бесіктегі баланың,
Күлгенін көрген – бір мұрат.
Алдына түсіп ананың.
Жүргенін көрген- бір мұрат – дегендей, бастауыш сыныпты бітіруші түлектерімізді ортаға шақырайық!
Музыка әуенімен бастауыш сынып түлектері ортаға келеді.
Сіздердің алдарыңызда тұрған сынып оқушылары осыдан 4 жыл бұрын 6 жасар бала болса, бүгін міне, ес біліп етек жиған шәкірт. Бұл күнге жайдан жай жете салмағанымызды ескерсек мектеп табалдырығын аттаған күннен бастап Әліппемен қоштасу, дәстүрлі наурыз тойлары, аналар мерекесіне арналған ән шашулар, ашық сабақтар мен тәрбие сағаттары балалардың есінде ұзақ сақталатыны сөзсіз. Мектепшілік сайыстар, өз өнерлерін шыңдау бала жанына әсерін тигізбей қоймасы анық.
Осы жағдайда менің ұстанған бағытым тек кітаби білім беріп қана қоймай еліміздің келешек тізгінін ұстай алатын сегіз қырлы, бір сырлы ұрпақтарды тәрбиелеу болды. Ол жағдайға бүгін толық жетпесе де ертең жететініне сенемін. Сондықтан алдымнан ұшқалы тұрған шәкірттеріме бірінші байлық-денсаулық демекші денсаулықтарың мықты болсын, ақылды, білімді ел билейтін ұл, қыз болыңдар!
Ата-аналар! Балаларыңыздың бастауыш білім басқышынан жоғары сыныпқа өткені құтты болсын! Балалар бәрімізге қуаныш, бақыт әкелсін!
Данагүл: Бала шаққа болашақты жырлатып
Шәкірттерге ой түзеткен сымбатты.
Күн нұрындай сәуле құйған көңілге
Армысыздар, ұстаздарым қымбатты.
Нұрайна: Армысыздар, аталар мен аналар,
Ұрпағымыз күнде өзіңнен бата алар.
Ел дәстүрін мәңгі сыйлап оқы деп,
Үйреткен ғой Абай, Ыбырай бабалар.
Шалқыма: Армысыздар, өр тұлғалы әкелер
Қыран құстай балапанын мәпелер.
Бүгін міне, бастауышпен қоштасады
Азамат боп кешегі сәби еркелер.
Назерке: Армысың сен, алтын ұя мектебім,
Саған айтар жыр алғысым көп менің.
Жүректерге жаққан білім шырағын
Мектебіме арналады бұл әнім.
Шалқыма: Иә, мектебімізге қандай жыр арнасаң да жарасады. Ендеше сыныптастарымыздың мектепке арнаған жырларын тыңдайық
Шалқыма: « Ұстаздық еткен жалықпас үйретуден балаға»,-деп Абай атамыз айтқандай , алғаш қолымызға қалам ұстатып, оңымыз бен солымызды танытқан, бізбен бірге қуанып, 42 әріпті танытып , білім нәрімен сусындатқан, мектептегі анамыз- ұстаз екені бәрімізге мәлім. Балалардың ұстазға арнаған ән -жырларын айтпас бұрын, ұстаз туралы не айтар едің?
Назерке: Әр шәкіртін өз баласынан кем көрмей, оқуға , жазуға үйреткен мұғалім еңбегі шексіз. «Мұғалім – мектептің жүрегі» – деп Ыбырай атамыз бекер айтпаған.
Нұрайна: Дұрыс айтасың ғылым иесі ғалым да , ел қорғаған батыр да , тілінен бал тамған ақын да , тегеуріні темір балқытқан жұмысшы да, көкті шарлаған ғарышкер де, бәрі- бәрі ұстаздан білім мен тәрбие алған.
Данагүл: Иә ,бұл туралы батыр Бауыржан атамыз: «Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді» деген екен. Олай болса келесі жырларымызды ұстаздарымызға арнаймыз!
Ұстаздарға арнау: Бізге білім беріп жағдайымызды жақсартуға жан салып жүрген ұстаздар қаншама десеңізші! Сол ізгі ниетті ардақты жандарға арналған лебізімізді білдіруге рұқсат етіңіздер!
Данагүл: Біздер бастауыш сыныпта жоғары сыныптарда өтілетін Әдебиет, тарих, биология, алгебра , физика, химия т б пәндерге негіз болатын ана тілі, математика,дүниетану, орыс тілі,пәндерін зер салып оқып үйрендік.
Назерке: Біздің жамандығымызды жасырып, жақсылығымызды асырып жүрген біздің ата- анамыз. Қатарымыздың теңі болып , тамағымыз тоқ, көйлегіміздің көк болып жүруі де сол кісілердің арқасы.
Данагүл: Ыстық- ау кім- кімге де әке деген,
Суыққа шалындырмай, мәпелеген.
Өмірдің соқпағымен өрге тартып,
Алдымен адам бол деп жетелеген- дегендей әкенің орны бөлек ау.
Нұрайна: Әкешім тілеуімді тілеп жүрген,
Аумайсың жарығы мол ашық күннен.
Шаршайсың жұмыс істеп біздер үшін.
Ақылды балаларың оны білген.
Шалқыма: Әр ана өз баласын мейірімді болса екен, жақсы оқып,елге қалаулы азамат болса екен дейді. Халқымызда мынадай бір нақыл сөз бар: «Анаңды Меккеге үш рет арқалап барсаң да борышыңды өтей алмайсың» деген .Алайда ардақты анамыздың ақ сүтін ақтай білгенге не жетсін!
Данагүл: Иә, дұрыс айтасың Шалқыма. Біз болашақта саналы да, ақылды бала болып өссек ананың арманы орындалды деген осы емес пе?
Ділназ: Дүниеге әкелген ,ол да сенің анашың,
Ақ сүт беріп өсірген , ол да сенің анашың.
Тіл алмасаң кешірген , ол да сенің анашың,
Мәпелеген баласын,аман болсын анашым!
Аяжан: Кеудемнен сезім селі ақтарылсын,
Болармын күні ертең- ақ мақтанышың.
Білім алып, тер төгем , еңбек етем,
Өзіңнің сеніміңді ақтау үшін!
Би: «Ұйғыр биі»
Шалқыма:
Жетекші боп жүрдіңіз түлегіңе
Біздерді ойлап көңіліңіз жүдеді де,
Шәкірттер тыңдаңыздар ұстаз сөзін,
Сіздерге арнап айтатын тілегін де- дей отырып сөз кезегін ұстаздарымызға береміз!
